Versículos más leídos de la Biblia EPESUS 4

Compartir

Tapi melias dingen mesayanglah sapih-sapih kam. Si alem-alemenlah bagi Dibata enggo ngalemi kam i bas Kristus.

Meteruk min ukurndu, lemah lembut, dingen saber. Ola kam pergelut sapih-sapih kam, erkiteken kekelengen si lit i bas kam.

Adi kam ngerana ola sitik pe belasken cakap si la erturi-turin. Tapi kata-kata si ergunalah belasken, si banci nampati kalak si deban rikutken perluna, gelah kata-katandu e maba kiniulin man si megisa.

Tadingken cian ate, perampus ras pernembeh. Olanai kam si isak-isaken ntah si cekurak-cekuraken. Olanai sitik pe erelem-elem.

Adi merawa kam, ola seh erdosa. Janah ola simpan rawandu seh ben wari. Ola bere kesempaten man si Iblis.

Dage tangtangilah manusia si male, si erbahanca kam nggeluh bagi si enggo-enggona. Manusia si male si meneken bana alu sura-surana si nipu. Pusuh peratenndu ras perukurenndu kerina arus ipelimbarui. Pakelah manusia si mbaru si itepa rikutken tempas Dibata, dingen encidahken bana i bas kegeluhen si tuhu-tuhu adil dingen badia.

Usahakenlah tuhu-tuhu maka persadanndu si ibereken Kesah e tetap irakut alu enteguh i bas perdamen.

IA si “mereken pemere-pemere man manusia.” Deba ibahanNa jadi rasul, deba jadi nabi; lit deba jadi perBerita si Mehuli, lit deba jadi si mpermakani perpulungen ras guru-guru. Si enda ibahanNa gelah kerina anak-anak Dibata sikap ndahiken dahin pelayanen majekken kula Kristus. Alu bage dungna ersada kinitekenta ras penandainta kerina nandangi Anak Dibata; kita dewasa, janah dungna seh kita ku tingkat kedewasan Kristus si serta e.

Alu bage lanai kita bali ras anak-anak, iombang-ambingken galumbang dingen ijole-joleken ku jah ku je alu angin pengajaren kalak penipu; ibabaina kalak si deban papak alu penebu-nebuna si guak. Tapi alu nuriken si tuhu-tuhu alu dem ate keleng, reh belinna kita jenari seh ku tingkat kesempurnan Kristus. IA kap takal janah