Versículos más leídos de la Biblia 1 TIMOTIUS 4

Compartir

Ola kal pelepas ise pe mapas man bandu erkiteken kam nguda denga. Tapi jadilah kam man usihen kalak si tek, subuk i bas pengeranandu, i bas lagu langkahndu, i bas kam nehken keleng ate, i bas kinitekenndu bage pe i bas ukurndu bujur.

Latihen gerak badan lit piga-piga gunana, tapi latihen pertendin erguna i bas kai pe, sabap latihen pertendin e njamin geluhta subuk si genduari bage pe si pagin.

Jagalah dirindu ras kai si iajarkenndu. Tetaplah dalanken si enda sabap i bas kam ndahiken dahin e iselamatkenndu me dirindu bage pe kalak si deban si megiken kam.

Tangkas ikataken Kesah Dibata maka lit pagin piga-piga kalak si lanai tek man Jesus Kristus. Patuh ia man kesah-kesah si erbual janah iikutkenna pengajaren setan-setan.

Sirangilah turi-turin si la tuhu si la erguna. Biasakenlah dirindu nggeluh bagi si ngena ate Dibata.

Pakekenlah paksa si lit guna ngogeken Pustaka Si Badia man perpulungen seh aku reh pagi. IAh-iahi janah ajari kalak e.