Versículos más leídos de la Biblia 1 TESALONIKA 5

Compartir

Meriahlah atendu katawari pe. Ertotolah katawari pe, janah katakenlah bujur man Dibata i bas si kugapana pe. Enda me si ngena ate Dibata ibahanndu i bas geluhndu selaku kam kalak si enggo ersada ras Kristus Jesus.

Dibata, si mereken kemalemen ate man banta, erbahanca kam badia i bas kai pe; janah IA si engkawali kam, kesahndu, tendindu ras kulandu bersih i bas kesalahen nari asum kerehen Tuhanta Jesus Kristus pagi. Dibata si ndilo kam e setia kap, janah IA si erbahanca maka si enda banci jadi.

Metengetlah gelah ola lit si erbalas alu kesalahen nandangi kalak si erbahan salah, tapi bahanlah si mehuli nandangi teman bage pe nandangi kerina manusia.

Erkiteken si e sitatang-tatangenlah janah sisampat-sampatenlah kam bagi si sangana ibahan kam genduari e.

Ipindoken kami man bandu o senina-senina: Ajarkenlah kalak si perkisat, tetapkenlah ukur kalak si perbiar, sampatilah kalak si kote janah sabarlah kam nandangi ise pe.

Kita ipilih Dibata labo gelah si nanami ukumen si reh i bas IA nari, tapi gelah sialoken keselamaten arah Tuhanta Jesus Kristus

Kerina kam anak-anak terang dingen anak-anak suari. Asalta labo i bas berngi ntah pe i bas gelap nari.