Versículos más leídos de la Biblia Joh. 10

Compartir

Sipananangkou geti, manangkou le iooi, masimatei samba masipakatai. Akuoi kaku geti, bule ibara purimanuaiatda sirimanua, purimanuaiat sitaimagulai.

Aku te sipasijajago sipulelelek. Sipasijajago sipulelelek ikau le engania punu tubut biribirinia.

Biribiriku geti raaarepi le ngangangku, kuagai sia, samba ratutut aku.

Kukakau ka tubuda purimanuaiat sitaitatata, bulat ta malilimai sia buru, samba beri sara siraurau sia ka kabeiku.

Aku te matatbaliu; kasei siguruki aku maaarau, guru nia, bela nia, sesenangan pukomannia.

Aku te sipasijajago sipulelelek. Kuagai sangamberi biribiriku, biribiriku leu raagai aku

Ukkuiku siake sia ka tubuku, nia le abeu ka sangamberi, ta anai siooi masiraurau sia ka kabei Ukkui. Aku samba Ukkui sara le.”

kele Ukkui iagai aku, kisedda leu aku kuagai Ukkui, samba kukau le engangku punu tubut biribiri.

Ta anai kasei pa sioi masiala ka tubuku, teu bagaku le kubuluake nia. Ka gegeku le kubuluake nia, ka gegeku leu kusilo nia minca. Ia te patonekat siniloku sibara ka Ukkuiku.”

Ia geti kuanangan minca Jesus, “Kukua nia ka matamui: Aku te matatbaliu sieei ka biribiri.

Siupaiji geti, ta sipasijajago, samba ta sibakkat biribiri, kele aiitco ioi arimau tui nia kaddiuakenangan biribiri, pasakbanginangan biribiri arimau, sabuakenangan nia.

“Kukua nia ka matamui: Kasei ta masiguruki matatbaliu iei ka gelit biribiri, tapoi ikarai le geli, sipananangkou samba sipasiraraurau le nia.