Versículos más leídos de la Biblia uLuuka 8

Compartir

Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa amantonongwa.

Imbeyu zye zyágwiliiye pansi pi iyalaawe, shiholanyo isha vhantu vhe vhakwivwa izwi ilya Mulungu nu kuliposheela ku luseshelo. Ileelo vhakupootwa kusimpa, vhakuvha inza ikwi lye litisiizye amazi pansi. Pe vhakwitiha ku havhaliilizyo hansi vhweleele, inga vhalingwa vhakululeha ulwitiho.

Pe uYeesu ahavhavhuziilizya avhasundikwa vhaakwe ahati, “Ulwitiho lwinyu luli kwoshi?” Avhasundikwa vhahasukumila nu kwogopa, vhahavhuzilizanya vhahati, “Muntu vhuli uno we akupilila, ni nkungu impiti na mavhilingwa vwope vikumushindiha?”

Imbeyu zye zyágwiliiye pa luvhazu pi idala, shiholanyo isha vhantu vhe vhakwivwa izwi ilya Mulungu, ileelo ahavhaliilizyo hanaaho, uMukwalanzi akwinza nu kwefwa izwi ilyo mu mooyo gaavho, inga vhatahinze vhiitishe nu kupokwa.

Vhwevhulo, zyope zyonti zye zizyihiime ziliivha apazelu, havhili zyonti zye zili kukwilu, zilivumbuha.

Umwantanda uyo lwe aalola kuuti atangayizyiha, ahasogola kwa Yeesu uku akutetema. Ahamusugamilila, ahamuvhuuzya pilongolela pa vhantu vhonti zye zyámuvhiisile kuuti amupalamansye, na vwe áponile naluvhiilo. UYeesu ahamuvhuuzya ahati, “We mwana waane, waapona, mwe pe waniitiha, sogolaaga, uMulungu akuteteesye!”

Pe avhasundikwa vhahasogola kumudaamusya, vhahati, “We Mwene! Tukufwa!” UYeesu ahadaamula, ahayipilila inkungu na mavhilingwa, naluvhiilo vihapuuma mwaa!