Versículos más leídos de la Biblia PUDUT 32

Compartir

Kebala Lemulun ineh, “Na iko miak tetanen Yakub peh, iamo' Israil, ngaceku iko pangeh mangun kudeng aceh raca' pa kiung Allah, idi pa kiung lemulun pana', idi iko pangeh metueh.”

Idi kebalaNeh, “Do' ngelegkan Negku, ngaceku malé aco macang.” Iamo' kebala Yakub, “Na ui sikal ngelegkan Namu kudeng Iko na ngeperuan negku.”

Iamo' ieh sebuleng neketecan. Idi inan seburur Lemulun luk pekakem neneh kedangan-kedangan pad aco macang.

Idi kebala Yakub, “Ui pangeh nenier Allah kiung dengan kiung, idi ui mulun teh.” Idi ieh neneten ngadan su ineh Peniel.

Kareb Lemulun ineh nekali' Yakub na miak melaya' ruenneh, idi Ieh nemukut pun tipan Yakub. Idi tipan Yakub pana' nepesiba'.

Idi kebalaNeh neneh, “Idé ngadanmu?” “Yakub,” kebalaneh.

Idi kebala Yakub, “Do' Iko mada' ngadanMu.” Iamo' keburi'Neh, “Anunké punmu ngitun ngadanKu?” Idi Ieh nengeperuan ni Yakub su ineh.

Idi ui ini na mayu ngalap sesuut pana' ratnan amung-amung éi' idi awa luk lutep luk pangeh ginala'Mu kuanku, ngaceku dengan aceh rukudku mo' ui neguta Abpa' Yarden; idi nekini ui mangun ku dueh babpat.

Ngaceku ineh macing nekini lun Israil na miak kuman urat tipan, ngaceku Ieh nengakem urat tipan Yakub.

Idi Yakub nesembayang, “O Allah tepunku Ibrahim, luk Allah tamanku Isak, O Tuhan luk pangeh nepebala negku kudeng ini, ‘Muli' iko amé' inan bawangmu idi matun pupumu, idi Ui nganau' do' kuanmu.’

Ui mutuh Namu muit negku rat bang palad kinanakku Esau. Ui matot neneh, kudeng ieh macing ngaté negku idi ngaté decur idi anak-anakdeh.