Versículos más leídos de la Biblia युहन्‍ना 15

Compartir

अङ्‌गुरा ताङ अ़ङ्‌का ओ, खोन्‍कि अ़खेक्‌चि खानानिन ओ। साङ अ़ङ्‌काएदा याक, खोन्‍कि अ़ङ्‌का खोएदा याक्‍ङानालो मोसाआ ब़द्‍धे सिवा सिसु। अ़ङ्‌कादाङ्‌का अ़थाया त़युङिन्‌कि खानानिन्‌आ दित्‍छाङ मुमा त़ऱन्‍मिन।

अ़ङ्‌काएदा याआनिन, खोन्‍कि खानानिन्‌एदा अ़ङ्‌का याक्‍ङा। अ़खेक अङ्‌गुराओ अ़ताङ्‌दा अ़याक्‍निन्‌नालो मोसाआ आप्‍पि सिवा सिमा अ़ऱन, मोवात्‍निङा खानानिन अ़ङ्‌काएदा त़याइमिन्‌नालो खानानिन्‌आछाङ सिवा सिमा त़ऱन्‍मिन।

खानानिन अ़ङ्‌काएदा त़याइन्‌कि अ़ङ्‌य़ङ खानानिन्‌एदा याक्‌नालो खानानिन दे त़मिनिन, मो दोरानुम, खोन्‍कि मो आम्‍नुओ निम्‍पाङ मु।

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

यावाचिओ निम्‍पाङ आप्‍पि स़माप़मादाङ्‌का तोक्‍पो सोमातुक्‍मा नि खाक्‍कोछाङ मात्‍द़ङ।

अ़ङ्‌काएदा कायाक झारा सिवा मान्‍सिकादा खेक्‌चि खोक्‍कोसाआ म़खोक्‍तुखाइसुचि खोन्‍कि सिवाकासि झारा खेक्‌चि च़लोक सिवा म़सिने निकिना खोक्‍कोसाआ मान्‍सिकादाचि म़क़प्‍तुचि।

अ़ङ्‌को अ़ङ्‌लोमाय़ङ ओङा ओ, अ़ङ्‌का खानानिन देत्‍नि सोमातुक्‍नानिन, खानानिन्‌छाङ अ़क्‍छा निएदा मोवात्‍निङा सोमातुक्‍कातुक मुवानिन।

खानानिन्‌आ ब़द्‍धे सिवा त़सिसुम्‌कि अ़ङ्‌काखेङ्‌पाचिओनि खाङ्‌त़मुसुम्‌नालो ओदाङ्‌काङा अ़ङ्‌पापाओ अ़चुऩङ लोङ।

“अ़नुछ्‍याओ अङ्‌गुराओ अ़ताङ अ़ङ्‌काङा ओ, खोन्‍कि अ़ङ्‌पापा व़क काचि कामु ओ।

साङ अ़ङ्‌काएदा अ़याक्‍निन, मो अ़खेत्‌वात्‍नि बुङ्‌खाया वेत्‍खान, खोन्‍कि मो छोप्‍खात। ओवाको अ़खेत्‍चि म़नाचिआ म़कोउचिकि मिदा म़वेइसुदिसुचि, खोन्‍कि मोचि म़ह़त्‍खात।

दियाको अ़ङ्‌ऩङानुमा खानानिन्‌एदा याक, मोवाको आम्‍नुओछाङ ब़द्‍धे ऩङानुमा याक्‍ने। मोसोओ निम्‍पाङ अ़ङ्‌का ओ य़ङ खानानिन लोनायुङ्‌नानिन।

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

अ़ङ्‌का खानानिन लानालोनानिन, खानानिन अ़क्‍छा निएदा सोमातुक्‍कातुक मुवानिन।

खानानिन ओ हेन्‍खामादाओ खाङ्‌देना हेन्‍खामाआ खानानिन आप्‍पिओ त़मित्‍तिन्‌कि सोमाऩतुक्‍तिन्‌ओ। मेन खानानिन ओ हेन्‍खामाओ माआङ। मेन खानानिन ओ हेन्‍खामादाङ्‌का अ़ङ्‌का छेन्‍नानिन, खोन्‌ओसा हेन्‍खामाआ खानानिन ऩङात़छिरिन।