Versículos más leídos de la Biblia LWIKHI 14

Compartir

– Kasé lephan ebhá mɛn yé, khɛ́n ńnɛn yɔ mɛ́n the, mɛ́n man, mɛ́n bhia, mɛ́n miɔn le mɛ́n hɔnsɛ́nhɔn ɔ́nmɔn khwa, kasé ńnɛn yɔ mɛ́n bɛn nbrɛn lɔ, anman nɛ́n gɛ ní mɛn yíchwɛ́wo.

Ló saji lephan khɛ́n abha le hɔ́n mɛ́n yábhletre gɛ mɛn thá, lephan lókɔn, mɛ́n lɔ, anman nɛ́n ní mɛn yíchwɛ́wo.

Átɛsalé, lephan tɛɛ ɛhɔ́n mɛ́n nbrɛn jetho ɔn, óbha sɛ́n nkɛ bha thé, ló lephan khɛ́n ehɔ́n mɛ́n nbrɛn bhá thé, óbha hɔ́n-ɛn jetho.

Lóhɛ́nthé nɔn Jezwi cu tɔ sa, hɔ́n hrómɛn, lephan ale yɔ mɛ́n yí khúnbrɛn ńpɛ khwalé, anman nɛ́n gɛ ní mɛn yíchwɛ́wo.

Hɔ́n hrómɛn, kasé lephan bɛn énɛn athán nkhú, nkɛé ché anchéthé, anyɛ́n lójɛ ábha lí, kasé mɛ́n jɛtɛn ńpɛ ágɛ thán ńkhú lókɔn phú lɔ anwú. Kasé ńnɛn tɛ nɛn, ńdi nkhú lé lókhɛ́n ńnɛn than phu, néphan khɛ́n ábha wú nkhú lókɔn, wo hɛ́nmɛn, ábha jrɛn áliaha. Ló wo bhá tɔ sa: “Nɛn lephan bɛn ale di nkhú thán lɔ khɛ́n abha nkhú thán.”

Khɛ́n lóka ɛsé néphan nɛn fɛ́thi hromɛn ɔn, ɛdo gbremán, nɛnɛ-phɔmán, ntabhumán le mɛphumán ɔ́nmɔn. Lósi akhɔ tɛ ɔn, wo, wo bha lé gɛ tɛ́ lóyí yábhɛ lókɔn sé hɛ, lótɛ áphɔ bha khwá hɛ lé. Átɛsalé lóka néphan atɛ yíbhwá bha chán khúnɔn mɛn fe ɔn, óbha tɛ́ lóyí yábhɛ brɛ lókɔn sé hɛ.

– Ńniɛ li yíbhwá. Khɛ́n kasé áyí ániman abha lóhrómɛn ásɛ khwa, ébí óbha tɛ́ háne khɛ́n ábha cu niman npɔ ɛ? Óle gɛ bhó tɛ́ yíɛkɛ, áyíta lɔ ńnɛn yɔn se, ábhɔ lɔ ńnɛn yɔn se, ohɔ́n fɔ́nká ngbophro pán. Kasé ɔ́n pɛ njɛ áyé bhwe, tɛmɛ ɔ́n yé mwámwá!