Versículos más leídos de la Biblia JAN 16

Compartir

Mɛn phrɛ tɔ ábhwe khúnbrɛn lókɔn se hɔ́n ye, ochɛ́sé ɔ́n khɔ́ mɛn phɔ gɛ ńthɛ́nkhwálé. Áthéji lókɔn hromɛn, áyí bha khú hɔ́n phɔ. Lókhɛ́n tɛmɛ ɔ́n gɛlé ya! Mɛn mɔ́n ka áthéji tho!

Lóka ábhwe mímí Nánnánmi bha bhá, ánman yalí hɔ́n nó ábhwe mímí hrómɛn. Léli mɛ́n nbrɛn thɛ́n hrómɛn bhwe ánman tɔ, lókhɛ́n ábhwe ńye, lónɔn ánman tɔ, ló ábhwe abha hɛ́nmɛn ebhá, lónɔn ánman tɔ sé hɔn yé.

Achan cí-áan adi ncɛ́n, ɔ́n ka sa yíbɛn mɛn hɛ́n hrómɛn. Tɛmɛ ɔ́n sá yí, ló ɔ́n ma gɛ, lónɔn ábha chɛ́ hɔ́n phɔhá bha símɛ́n.

Lókhɛ́n mímí mɛɛ́n kranmán hɔ́n: áyɔn se hɔ́n salé mɛn yɔ́ hɔ́n ká no, átɛsalé kasé mɛn nɛn no, ńmɔ́ndɔ́nmánwo bha lé bha gɛ hɔ́n. Lókhɛ́n kasé mɛn no, mɛn mán chɛ anman gɛ hɔ́n. Ló lóka ánman má, ánman chɛ́ áthéjinɛ́n khúnbrɛn yɛ́n salé wo li pɔn wo neyítɛ́ hrómɛn, wo li pɔn áyí apriman hromɛn, wo li pɔn Yankan kwabhɔ́ hrómɛn.

Lóyábhɛ brɛ, hɔ́n lɔ thénthé áphɔ gbɔn hɔ́n, lókhɛ́n mɛn mán cu wú hɔ́n npɔ, ló cíbɛn áphɔhá bha sí hɔ́n thɛ́n hrómɛn, ló áphɔhá yábhɛ lókɔn, álepɛ lephan ábha ló hɔ́n mɔ́n mɛn bhó yɛn. – Lócí lókɔn álepɛ ábhwe bhrií ɔ́n ma cu bhi mɛn. Mímí mɛɛ́n kranmán hɔ́n: mɛn hɛ́n hrómɛn, áyí khúnbrɛn ɔ́n ma bhi, mɛn Nthe bha sé hɔ́n.

Mímí mɛɛ́n kranmán hɔ́n: ɔ́n ma thɔ́n hɛ́ndu, ló ɔ́n ma tɛ́ dandan, lókhɛ́n áthéjinɛ́n-ɛ ábha lí phɔhá sé wo. Áphɔ bha gbɔn hɔ́n lókhɛ́n cíbɛn hɔ́n phɔgbɔ́n bha jrɛn áphɔhá.