Versículos más leídos de la Biblia JÚMÁN HRƆ́ 1

Compartir

Lóka Nánnánmi Créncré bha ká hɔ́n phɔ, ɔ́n ma gɛ sɛ́npɛ́ bɛn, ló ɔ́n ma lí mɛn ndalefɛlímán. Ɔ́n ma tɔ mɛn phɔ bhwe Jeruzalɛ́mɛn khúbhɛ́, Jude le Samari ɔ́nmɔn gotho khúnbrɛn, kábrɛ kábrɛ ábha di áthé le átho ɔ́nmɔn si atre mɛ́n lé.

Ló Jezwi kranman nkɔn sa: – Lócí le lóka ka ábha bhá, léli hɔ́n nɔn ɔ́n gɛ yɛ́n. Nthe nbrɛn nɔn abho mɛ́n sɛ́npɛ́ ha lócí lókɔn tre.

Cíbɛn, mɛ́n le nkɔn ɔ́nmɔn ka wo khwa nɛn mɛ́n, ló ánkranmán nkɔn sa: – Ɔ́n ne chán Jeruzalɛ́mɛn ló nthwéthwemɛn, khɛ́n ɔ́n bo áyí Nthe tɔlé mɛ́n man tɛ́, lóbhwe nɔn mɛɛ́n tɔ se hɔ́n. Lósi yábhɛ brɛ khɛ́n Jan khɔ bho ndu ha hɔ́n hɛ́n, lóyábhɛ brɛ, abha le mɔ́n lɔ khɛ́n, wo bhá bhó Nánnánmi Créncré há hɔ́n nduhɛ́n.

Mɛ́n ka ńkhu, lómánji ńmo mɛ́n nbrɛn nie nkɔn, ló wo yɛn salé ńma mɛpɔ́: ńmo mɛ́n nbrɛn nie wo kábrɛ kábrɛ ási ńcíbhí grebhɛ, ló ńtɔ Yankan Bhringbi khúbhɛ́ phɔ bhwe se wo.

Lóka mɛ́n mɛ́n ka, wo ya wo enɛ́n nkɛ lókhɛ́n wo do nkɛ wo eló átho. Lókhɛ́n mɔngú mɔngú mrwɛn nkɛ, ló ńkhrɛ wo hɛ́nmɛn.

Lóka ánno, khɛ́n wo gɛmɛlé ya wo enɛ́n átho, lótɛ néphan mɔn asɔ ntráliɛ́ phónpho, thandi ya wo hɛ́nmɛn ló wo ékranmán nkɔn sa: – Galile nsɛ, bítɛ khɛ́n ɔ́n ya hɔ́n enɛ́n átho yábhɛ nɛn ɛ? Jezwi lókɔn khɛ́n wo ya hɔ́n thethé do wo eló tho ɔn, lósi yábhɛ ánman cu khɔ́ chántho má, sa lósi ɔ́n khɔ hɔ́n ewui ánno a.