Versículos más leídos de la Biblia Mateu 3

Compartir

Citani pinthu pinapangisa kuti imwe mwachunyukadi.

Penepo yabveka fala kubulukira kudzulu mbilonga tenepa: “Uyu ndi mwana wanga wakufunika kakamwe, ananditsandzaisa.”

Yezu pakumala kwace kutambira batixmu, abuluka m'madzi. Pa n'dzidzi unowu thambo yafunguka. Iye aona Nzimu wa Mulungu mbuchita ninga nkhangaiwa, mbum'phamira.

Ine ndisakutambirisani batixmu na madzi kuti muchunyuke kudawa kwanu. Mbwenye munthu unango anadza n'nduli mwanga, unowu ndiye ana mphambvu za kupiringana ine. Pontho ine sine cinthu pamaso pace kuti ndinakwanisa kukwata ntsapato zace. Unowu ndiye anadza kakutambirisani batixmu na Nzimu Wakucena na moto.

Pontho ndisakupangani kuti mbadzo yamala kusasanyirwa toera kugwanda miti na michici ene. Na tenepo, miti yonsene inakhonda kubala misapu yadidi, inatemiwa mbiponyiwa pa moto.

Uyu ndiye akhalongwa na mporofeta Izaya kuti: “Fala iri kukhuwa n'thando mbilonga kuti: Sasanyirani njira ya Mbuya mbamundendemeza mipsalu yace.”