Versículos más leídos de la Biblia Mateu 19

Compartir

Yezu aalang'anisa mbaapanga kuti: “Penepi pisacimwanika kuna anthu, mbwenye kuna Mulungu pyonsene pisakwanisika.”

Na tenepo, iwo si anthu awiribve tayu, mbwenye ndi nyama ibodzi basi. Mphapo pidaphataniza Mulungu, munthu mbaleke kupimwaza.”

Yezu aatawira, mbaapanga tenepa: “Cipo imwe mudzati kuona pidalembwa m'Bukhu ya Mulungu, kuti pakutoma kwa pantsi, Mulungu ‘aacita mamuna na nkazi,’ pontho alonga kuti: ‘Na thangwi eneyo, mamuna anasiya baba wace na mai wace, mbadza kaphatana na nkazi wace, pontho mu uwiri mwawo anadza kakhala nyama ibodzi basi?’

Yezu aapanga tenepa: “Asiyeni ana abwere kuna Ine, lekani kuakhondesa. Thangwi Umambo wa kudzulu ndi wa ale adalandana iwo.”

Mbwenye azinji akutoma anadza kakhala akumalisira. Pontho akumalisira, anadza kakhala akutoma.”

Na tenepo, onsene ale adasiya nyumba zawo, abale awo aamuna, abale awo aakazi, baba, mai, ana, peno minda, na thangwi ya dzina yanga, enewa anadza katambira pontho pinthu dzana padzulu pa pinthu pyawo. Pontho mbadza kapasiwa unthaka wakupulumuka kwenda na kwenda.

Yezu ampanga tenepa: “Ungafuna kuti ukhale wakulungama, ndoko, gulisa pyonsene pina iwe, kobiri yace upase anyakucherenga. Tenepa unakhala na mpfuma kudzulu. Ungamala, bwera unditowere.”

Yezu antawira tenepa: “Thangwi yanji usandibvundza na thangwi ya pya udidi? Wadidi alipo m'bodzi basi. Ungafuna kukhala na upulumuki wakukhonda kumala, koya matongero.”

Pontho ndisakupangani kuti: Pisanentsa pikulu kakamwe kupitisa m'pfumi mu Umambo wa Mulungu, kupiringana kupitisa cinyama cinacemerwa kamelo mu benga ya ntsingano.”

Na tenepo, ndisakupangani kuti mamuna anamwalana na nkazi wace, mbapikhonda kukhala na thangwi ya upombo, mbakwatana na unango mbacita na iye banja, asacita upombo.”

Na tenepo, Yezu apanga anyakupfundza ace kuti: “Ndimo mwene ndisakupangani kuti, pisanentsa pikulu kakamwe kuti m'pfumi apite mu Umambo wa kudzulu.