Versículos más leídos de la Biblia Naanearü ügüchiga 8

Compartir

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃. Rü ñu̱xma i ñaa naane nangẽxmaxü̃ rü tagutáma inarüxo nax natoegüxü̃ i duü̃xü̃gü rü yaxoxü̃ i nanetügü. Rü tá nangẽxma i naianexü̃ rü gáuanexü̃, rü tá nayimá ya mucü rü taunecü, rü ngunexü̃ rü chütaxü̃ —ñanagürü.

Rü yemawena ga Noé rü Tupanaca̱x nanaxü ga wüxi ga ãmarearü guruxü̃. Rü nayayaxu ga ñuxre ga yema naxü̃nagü rü naeü̃gü ga ixãxpe̱xatüxü̃ ga mexü̃ nax namaxã Tupanaxü̃ yacua̱xüxüxü̃ca̱x. Rü Cori ya Tupanaca̱x nanadai rü yema ãmarearü guruü̃wa ínanagu.

Natürü ga Tupana rü tama Noéxü̃ inayarüngüma, rü tama nüxü̃ inayarüngüma ga guxü̃ma ga yema naeü̃gü ga wüxigu Noémaxã wapuruwa yexmagüxü̃. Rü yemaca̱x ga Tupana rü nayabuanexẽxẽ, rü yema dexá rü inanaxügü ga nax íyaxexü̃.

Rü yexguma marü nachütachaü̃gu rü ítangu ga guxema muxtucu. Rü tümapaguxegu wüxi ga oribuatü yéma ne tange. Rü yemawa nüxü̃ nacua̱x ga Noé ga marü nax yapaanechigüxü̃.