Versículos más leídos de la Biblia MATIUS 11

Compartir

”Ugunda nidyaʾ hmeng uboka, igina yakaʾ adya igina kwelesil nim era, nadya ugunuk jakmana gibiyiwanasinaʾ anasa, nak an yanalum.

Nara namen uboka, ganya sokok gebdangoka ulunanya bek anasa, nadya bollilesin igin yakaʾ era dobnelum dara, nak anyeb yokaʾ nidyaʾ einiwoka ella danalum dara, nara ugunuk ganya daklinggoka unaʾ eleganesin.

Anasa, nadya lelesin yub era, yongonaʾ ak ulumla, nadya ugunuk bollilesin igin yakaʾ era jakmanaʾ ak ulumla,” hyok.

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

Dara Yesus adya sikenek, ”Ugunda Yohanes bek on pik biniboka ugunja seleb heng eiblumaʾ ab, o keblumaʾ ab danyek, nekdo binilumaʾ ara, Henga luma yeilimna nang eillilemak, nonga yana heimna nim eikaʾ yabalamak, nong bokaʾ malya ulusil nimi hwebna dara, bokaʾ dolomak, o ounugamna nim o bakoka kelemak, seleb somogamna nim embengaʾ suboka bulumak, Imik Neyung ak ab perob lero yanggan yub era nimi bonaʾ garan ulumak nim ek lero yabalamlaʾ anyek eiyiboka unulamla aboka nekdo binilum.

Ugunda o yakaʾ ara, hyak pe kebnelum!” hyok.