Versículos más leídos de la Biblia YOHANES 15

Compartir

Akuoibí in pangkoi in anggur, bo moiko in tanganea mita. Intau inta umuran motobatú takin-Ku bo Akuoi i motobatúnea, momungaibí in sia modatog, sin aka diá in Akuoi yo moiko in diábí mokopogaid kon onu bo onu.

Umuranbí potobatú-Ku bo Akuoi umuranbí doman motobatú takin i monimu. Tanga in diábí momungai tontaní aka diá in sia moidapoḷpa mako kon pangkoinea. Natua doman in moiko, momungai aka umuran motobatú takin-Ku.

Aka moiko bo umuran motobatú takin-Ku bo totundú-Ku in umuran popotonop mako monimu kon gina, yo poigumdon kon i Amá kon onukabí in koibog monimu; dá onu in pinoigummu tua in ogoi-Neabí.

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

Intau inta totok in motabi kon yobayatnea mita in intaubí inta nobogoi in kobiagannea sin kopontingan monia.

Pomuḷoi in tanga kon i-Nakó inta diá momomungai, pongkóon-Nea, bo pomuḷoi in tanga inta momungai, gaatannea in daunnea bo daritan-Nea sinbá modugangdon modatog in bungainea.

Naa parenta-Ku: Positabianbí in moiko, ná doman Akuoi in notabi kon i monimu.

Aka moiko momungai modatog, yo ki Amá-Ku in pomuliaan; bo moiko in totu-totuudon mobaḻí murí-Ku mita.

Ki Yesus in noguman bui, “Akuoi in pangkoi in anggur inta mopia, bo ki Amá-Ku in monononggobánea.

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

Naa mita in pinoguman-Ku kon i monimu, sinbá sanang in gina-Ku oyúon domandon kon i monimu, bo sanang in gina-Ku motompodon.

Aka moiko umuran mogaid kon inta pinarenta-Ku, yo moiko in umuran mosatia in dumudui kon tabi-Ku, ná doman Akuoi inta umuran mosatia kon tabi i Amá-Ku sin umuran nopobayá in parenta-Nea mita.

Naadon in parenta-Ku kon inimu: Moiko in musti umuran mositabian tobatú bo tobatú.”

Aka kuma bo moiko nion in kapunyaan in dunia, dá kotabibí in dunia in moiko saḷaku kapunyaannea. Táe moiko ain piniḻí-Ku nongkon dunia naa, dá moiko in deeman bidon kapunyaan in dunia, tuamai dunia naa in mosaturu kon i monimu.