Versículos más leídos de la Biblia LUKAS 14

Compartir

“Rékko poléi tauwé ri Iyya, iyakiya lebbi namaséiwi indo'na, ambo'na, bainéna, ana'-ana'na, silessu-silessurenna, mala alénato, dé' nawedding mancaji ana' guruk-Ku.

Tau iya dé'é namaélo méssangngi sallina sibawa maccowéri-Ka, dé' naulléi mancaji ana' guruk-Ku.

Saba' tungke' tau iya pakatanréngngi aléna ripakariyawai matu, iyakiya iya pakariyawaéngngi aléna ripakatanréi matu.”

Paccappurenna Yésus makkedai, “Makkuwatoro iko. Dé' séddi polé ri iko mulléi mancaji ana' guruk-Ku, rékko dé' nappésonangngi sini-sininnaé.”

Rékko engka séddi polé ri iko maélo patettong séddi manara, tentu tudangngi matu riyolo' bilangngi ongkoso'na kuwammengngi naissengngi genne' muga dowina untu' pattepui iyaro manaraé iyaré'ga dé'. Saba' rékko dé' naulléi pattépui, padahal purani riyébbu pandamenna, sininna tau mitaéngngi jama-jamanna cawa-cawaiwi matu. Makkedai matu mennang, ‘Eh, mappatettongngi tauwé iyakiya dé' naulléi pattépui!’

Jaji rékko mappéstako, undangngi tau kasiyasié, tau sala-salangngé, tau péso'é sibawa tau butaé. Ribarakkakiko matu, saba' iyaro sining tauwé dé' naulléi mpale'i akessingemmu. Allataala matu mpale'i akessingemmu ri wettu ripatuwona paimeng polé ri amaténgngé sining tau makessingngé.”

“Iyaro pejjé' makessing, iyakiya rékko makawai, weddigga ripejjéi paimeng? Dé'na gaga gunana, muwi untu' dare'é iyaré'ga untu' pappakacommo. Jaji riyabbéyang bawang. Rékko mappunnaiko daucculing, éngkalingai!”