Versículos bíblicos populares de EVASELIO A SOANE 2

Compartir

Ko te uluaki milakulo leva aia, nee fai e Sesu i Kana i Kalilea. Nee ina fakaha leva tona kololia, pea nee tui leva ana tisipulo kia ia.

Nee tali leva e Sesu kia ia: Fafine, pe e i ai he mea i te vahaa o oku mo koe? E heeki hoko mai toku hola.

Nee ui leva e Sesu ki te kau tagata faifekau: Kotou fakafonu te u hina aena ki te vai. Pea nee natou fakafonu gutugutu leva natou. Nee ina ui leva kia natou: I te temi nei koutou ohu, pea koutou ave ia ki te pule o te kaitahi. Pea nee natou ave leva ia kia ia.

Nee tali leva e Sesu kia natou: Koutou maumaui te fale tapu aeni, pea e au toe lagai anai ia i ni aho e tolu.

Nee ina fai leva he suipi aki ni maea, pea nee ina kapu leva natou fuli mai te fale tapu, mo te u ovi, mo te u vitulo; pea nee ina veuki leva te paaga a te kau fetogi paaga, pea nee ina tokatokahi leva anatou laupapa. Pea nee ina ui leva ki te kau fakatau lupe: Koutou ave kehe te u mea aena i heni, aua takotou fakaliliu te fale o taku Tamai ko he fale faikoloa.