Versículos más leídos de la Biblia Mɔl 39

Compartir

Ɛnee Ɛdɛnkɛma nee Dwosefi a lua a, yemɔti ɔkpazile. Ɔdɛnlanle ɔ menle Yigyibitinli ne sua nu

Yemɔti ɔvale debie biala ɔwulale Dwosefi asa anu na ɔyele ye adwenle wɔ zolɛ. Debie mɔɔ ɔdwenlenle nwolɛ ala la a le ɔdaye Pɔtefaa ye aleɛ mɔɔ ɔdi la. Dwosefi anwo yɛ fɛ na ɔgyi zo sengɔɔnwo.

Nrenya ne vale debie biala mɔɔ wɔ efiade ɛkɛ ne nee pilizama ne mɔ amuala wulale Dwosefi asa anu. Debie biala mɔɔ bɛyɛle wɔ ɛkɛ ne la, Dwosefi a nleanle manle bɛyɛle a.

Na Pɔtefaa hyele Dwosefi dole efiade ɛleka mɔɔ belemgbunli ne pilizama wɔ la, na ɔhale ɛkɛ ne. Na ɛnee Ɛdɛnkɛma nee Dwosefi lua. Ɔhilele ɛhulolɛ dɔɔnwo wɔ ɔ nwo, na ɔmanle ɔzɔle nrenya ne mɔɔ nea pilizama ne mɔ anwo zo la anye.

Mekɛ guale nu la, ɔ menle aye ne hulole ye na ɔzele ye kɛ, “Ɛnee me ɛla.” Dwosefi amkponle na ɔhanle ɔhilele ɔ menle aye ne kɛ, “Nea, mewɔ ɛke la ati, me menle ɛndwenle debie biala mɔɔ wɔ sua nu ɛke la anwo. Yeva debie biala mɔɔ wɔ sua nu ɛke la yewula me sa nu. Melɛ tumi wɔ awuke ye anu kɛ ɔdaye ala la, yɛɛ ɔtɛtuale me kɛ memmafa me sa meka debie biala kɛ ɛdawɔ ala, ɔboalekɛ ɔ ye a le wɔ. Duzu ati yɛɛ akee menwɔyɛ amumuyɛ kpole ɛhye, na menwɔyɛ ɛtane menwɔtia Nyamenle ɛ?”

Kenle ko Dwosefi hɔle sua nu ɛkɛ ne kɛ ɔkayɛ gyima, ɛnee mgbavolɛ mɔɔ wɔ sua nu ɛkɛ ne la amuala ɛvinde. Na Pɔtefaa aye ne hɔzɔle Dwosefi tɛladeɛ ne anu na ɔzele ye kɛ, “Ɛ nee me ɛla.” Na Dwosefi kpolole ye tɛladeɛ ne manle ye na ɔnriandile ɔvile sua nu ɛkɛ.