Versículos más leídos de la Biblia Mɔl 27

Compartir

Nyamenle ɛdɔ ɛbɔlɛ vi anwuma ɛgua ɛ nwo zo, na ɔmaa wɔ azɛlɛ ɛhye aleɛ, ɛnyia abɛlɛ nee nwanye dɔɔnwo. Ɔmaa menli ɛzonle wɔ, na maanle maanle ɛbɔ bɛ ti aze ɛmaa wɔ. Ɔmaa ɛzie ɛ mediema ne mɔ, na ɛ nli akunlu amra mrenya ɛbɔ bɛ ti aze ɛmaa wɔ. Awie mɔɔ kɛbɔ wɔ sasa la, munzule ɛha ye, na mɔɔ kɛyileyila wɔ la, nyilalɛ ɛha ye!”

Yisɔ hanle kɛ, “Na yemɔ, amgba bɛfɛlɛ ye Gyekɔbo! Fane nwiɔ mɔɔ yeli me ndunlumi la ɛne. Ɔliele me awolɛ kpanyinli gyinlabelɛ ne; ɛnɛ noko yeralie me nyilalɛ ne yehɔ. Egya, wɔangyakyi bie wɔammaa me ɔ?”

Akee Ayezeke zele ye kɛ, “Nea o, na azɛlɛ mɔɔ ɛhwe la azo yɛɛ ɛbadɛnla a, Yɛɛ anwuma ɛbɔlɛ ɛnrɛdɔ ɛ nwo zo. Wɔ nrɛnlande nloa yɛɛ ɛbalua na ɛ sa ahɔ ɛ nloa a, Yɛɛ ɛbazonle ɛ diema nrenya ne. Na saa ɛte atua a, ɛbaye ɛ nwo wɔavi ye ɛzonlenlɛ bo.”

Yisɔ hanle kɛ, “Egya, asoo nyilalɛ kokye ala a ɛlɛ a? O Egya, yileyila me, medame zɛhae noko.” Na Yisɔ zunle kpole kpalɛ.