Versículos más leídos de la Biblia Oluka 18

Compartir

Eyesu a ta egŋe he lo a da moanwyeotum baŋ okyku o nye mo, okyku o da mo a fa olu ombamba pyeŋ nga a zga eso ekyekyeŋ.

Eyesu a zhĩ mo a lu mi le, Ahogbrẽ a la a kpo a ghwo la moarehwi baŋ la a wu okũ egi ayi baŋ okyukyku ta la olulum mbo? Á ngli ayga á ba a kpo á ghwo la mo? Ame e lu e da gimi, Ahogbrẽ á ngli tsi mbo, á kpo á ghwo la mo. E gno, omba ba Anwye Arehwĩ á bla á ba obiŋ hi ondakyeŋ, á hwiŋ moa la a bmi ba adlidzi bgu?

Eyesu a tno mo ma a lu mi le, Ekplo la e gre abgo okro moarehwi e kpo e gbu okro Ahogbrẽ.

Alom la a sõ ombgu a bmi mbo engyi oshushku. Ambo ambla nga aŋa a lu pa la eŋa a lu mi le, Ame e yi ba ame e kpo eyli Ahogbrẽ mbo, nga ame e tsi arekyeŋ a mbo mbo, ambo okyku ba ashe-eshaku hi a la a kpo me ewu, ame é sheŋ ŋa ombgu lo. O mbo le aŋa á dzu a bmye me egʼba ovo.

Agimi e ngli atuŋ e gno! Areyaŋ a mbo la a yga Oreŋ Ahogbrẽ eka ba anwye afifi mbo le, á kpo á gbu baŋ a yi Oreŋ Ahogbrẽ mbo.

Ambo Eyesu a bzi moanwye lo a ba okro baŋ nga a lu mi le, Agimi e da moanwye afifi a ba okro me! Agimi e nyom mo mbo, okyku eshi Oreŋ Ahogbrẽ o wo okyku edgu moahi lo angyiŋ.

Ambla he nga Eyesu a nyuŋ ŋa a lu mi le, Aŋo o ka okro! Obmi ba adlidzi boŋ angyiŋ o shaŋ ŋo.

Eyesu a zhĩ alom lo a lu mi le, Okyku eshi aŋo o lu mi ma ame e wo shasha? Arekyeŋ a wo shasha mbo o wo le Ahogbrẽ sha a wo shasha.