Versículos más leídos de la Biblia Malaquías 3

Compartir

<<Diezmukunata lapanta wayïcho kaykaq almacenman apapäkamuy. Tsaymi wayïcho tsaytsika mikuy kanqapaq. Tsaynömi ciëlu punkuta kichar qamkunaman bendicionnïta putsuy putsuy churamushaq. Rasunpa churamunäpaq kashqanta musyanaykipaq mä diezmuta apapäkamuy. Noqa lapanta mandaq TAYTA DIOSMI tsayno nï.

Mikuy ushaq kurukunata ushakätsiptïmi chakraykikunacho mikuynikikunapis ali wayunqa y üvaykikunapis tampiyparaqmi wayunqa. Noqa lapanta mandaq TAYTA DIOSMI tsayno nï. Markayki maypis täkuypaq kaptinmi lapan nación runakunapis munapanqapaq. Noqa lapanta mandaq TAYTA DIOSMI tsayno nï>>.

Lapanta mandaq TAYTA DIOS kaynömi nin: <<Juzganä junaqmi tsay runakunata kuyapäshaq. Cäsukuq tsurinta papänin kuyapashqannömi noqapis paykunata kuyapäshaq. Tsaymi runakuna yapay tantiyapäkunqa cäsukamaqkunata kuyapashqäta y mana cäsukamaqkunata castigashqäta, sirvimaqkunata ali rikashqäta y mana sirvimaqkunata mana ali rikashqäta>>.

Lapanta mandaq TAYTA DIOS kaynömi nin: <<Nänita pitsaqno runakunata kamarikatsinanpaqmi wilakuqnïta puntäta kachashaq. Tsaypitanami shuyaykashqayki mandaq chayamur elaqpita templuman yaykunqa. Paymi qamkunawan pactu rurashqäta wilakunqa. Rikayta munashqayki wilakuqqa chayamunqanami.