Versículos más leídos de la Biblia Romanos 5

Compartir

Émasera ema Viya, tétavikawa'i eta máemunasira'avi'i, tayanapane eta vikapekaturara'icha'anéni. Máijaraka'isera ema Machicha Jesucristo máepenina'avi'i.

Tájina tímipanerereka'avima'i taicha yátupiyare'i eta vijakapirayare eta víkuchi'i. Vikasiñawa'i maye'e ema Viya taicha tímimaticha'avipa te visamureana eta máemunasira'avi'i máichavene'i ema Machanewa ema Viya.

Te tatiari'inapuka eta vikatajiwairayare, viwapinawachucha eta vikamichira'i; taicha vecha'i eta vikatajiwaira'i tétumecha'aviya eta vímiyanirawa vé'ika, táichavene'i eta vímiyanirawa vé'ika, vijakapaipaware eta vitumewayare virata'airayare vikamicha tamutu, tási'a, eta vikamichira'i tamutu, vikuchapainapa eta táitsiwayare.

Puíti'ipa vijakapakareipa me Viya, táichavene'i eta vikasiñawaira'i eta maye'e. Waipa vipikakarakawa'ini eta víkuñayare'ini, taicha ema vímikuñaru'i ema Viákenu Jesucristo. Máichavene'i ema Cristo, tétavikawa'i eta majapanuira'avi'i ema Viya. Tási'a, tijakapa'avipa, táichavene'i eta vikasiñawaira'i eta maye'e, vijakapirayare eta víkuchi'i visiapirayare te majaraiwa'i ema Viya.

Víti, tájina viviyaima'i eta vikuchukuirawaina'ini, émasera ema Cristo, te tiúri'i eta máimaira'i, tíjarakawa'i tépena víchavene'i víti máurira'ana'i.

Tási'a puiti, vijakapakareipa me Viya táichavene'i eta vikasiñaira'i ema Jesucristo eta máepenina'avi'i. Ichape'inéni eta véjekapirawa'i, mawara'a'isera ema makaepa'ayare'i eta víkuñayare'ini.

Kamuri'avi'i viti takaerajiruana'i me Viya, táichavene'i eta mamasuapajiraiwa'i ema émana achane. Puítisera kamuri'avipa viti vijakapakareanaipa me Viya táichavene'i eta masuapajiraiwa'i ema Jesús.

Tási'a wa'i takarichu'ini puiti eta viúrisamurewa'i maye'e ema Viya, eneichuware eta máichavene'i ema Viákenu Jesucristo, tétavikawa'i eta viúriwa'i maye'e.