Versículos más leídos de la Biblia Romanos 2

Compartir

Étipa, éjekapawa'i eta ímijachira'i tikaitika'eyare eta íkuñayare, eti íchara'iana eta tawasikeneana ekuti'ichu'inéni ena ekaeka'ikeneana. Émasera ema Viya, tétavikawa'i eta máuriwa'i eta eye'e, wa'i maíkuñaka'ewane'ini. Tikamicha'e'i, tikuchapa'e'iware, mawaraira'i éñauchawa'ini eta maye'e, ínajika'ini eta íchira eta tamaurikeneana.

Étiari'isera eti ímijacha'i tájina eviurewaima'i eta wa'i ákutima'i ena apamuriana. Ímijachawa'i tájina epekaturaina. Eti ekaeka'iwaka'i ena tíchana'i eta tamaurikeneana'i. Wá'isera étupikawa'ini eta ekaeka'ira'i, taicha éti'ichu'i nakutikeneana'i eta íchakeneana.

Ema Viya wa'i manerejikaima'i ena máikuñaruanaya.

Taicha wa'i tijakapakareanaima'i maye'e ema Viya nákani wa'i náitaucha'ini eta nasamakeneana'i. Tijakapakareanayaresera nákani títauchana'i tipikauchana'i eta wanairipiana.

taicha ema, matupiruwa'i eta máijarasirayare eta táitsiwayare eta víchakenepachu.

murakainapasera eta máikuñasirawakaya namutu ena masuapajiraira'ana'i énaipa ena tikatianakana'i eta yátupikeneana, tasapi'a'i náurika'i eta tamaurikeneana'i. Nawayuchaipa eta náimiyusemasira'i ema Viya.

Taicha táiñe'ikeneyare eta íkuñayare eti, te wa'i ekueñauchawa, ínajikaware eta tamurakawa'i eta esamureana, taicha ewayuchapaichucha eta ekurumutusira'i eta etapirawana