Versículos más leídos de la Biblia Ubwandilo 15

Compartir

Umwene alinkummwịtika UNTWA. Buno buno UNTWA alinkunnjoba ubugolofụ Abụlamụ.

Bo sịkīndịle sịsịsị po ilịsyu lya Kyala lilinkummwịsila mụnjosị Abụlamụ lilinkuti: Gwe Abụlamụ, ungatị̄laga, une nndi ngulu jāko, ifị nịkukupaga ugwe fịkujaga fị̄ngị ịtolo.

Po papo UNTWA alinkusōka pānja na Abụlamụ alinkuti: Kēta kumwanya, bala īndōndwa, linga ubagị̄le ukusịbala. Po papo alinkummbūla alinkuti: Mo mụno bịsakujilaga ubwịngị aba nndujụ̄ngụ lwako.

Po papo lelo ilịsyu lya NTWA lilinkummwịsila lilinkuti Umụ̄ndu ujo jo atịsakukwịngilapo pakilīngo kyako: Lolị umwana uju kwịsakumpāpaga jujugwe jo ịsakukwịngilapo.

Umwene UNTWA alinkummbūla Abụlamụ alinkuti: Syo usyaganịege mbwanalolị isya kuti abanndujụ̄ngụ lwako bịsakujaga baponị nkị̄su iki kikaja kyabo; kangi bịsakujaga batumwa mụmo, bịsakwangalilịgwaga mụla mụla ifyinja bāmịa bana (400).

Po papo Abụlamụ alinkujoba alinkuti: Gwe Ntwa gwangu Kyala, kūmbaga fịkị une, ifyinja fịkīndịle ne nsịtakuja nu mwana najumo ugwa pakilīngo, ugwa kūnyị̄ngilapo jo ju mmbōmbị gwangu Elịjeselị ugwa nkị̄su kya Ndamasịka?

Mwịsịku lilyo UNTWA alinkufị̄nga na Abụlamụ alinkuti: Ikị̄su iki kyo mmbapele, aba nndujụ̄ngụ lwako, ukufụma ndwisi lwa nkị̄su kya Egịpịtị ukwakufịka ndwisi ulukulūmba ulwa Fụlatị

Abēne aba nkikolo kyako abā mụngulilo ja buna, bịsakugomokelaga kuno kuno, namanga ububị̄bị bwa Bāmoli bukāli bukafịkapo pabubafụ̄ndilo.