Versículos más leídos de la Biblia LUKAS 8

Compartir

Alli allpaman shikwaqnam, kayan alli shonquwan tsarakatsiyan wiyashqa palabrata, i wayíta qoyan tsarakiywan.

I kashakunaman shikwaq, keykunam wiyaqkuna kayan, ewkurna, tsapakáriyan tukiyláya rureykunapa i rikeysakunapa i key kaweychow kushikiykunapa, i wayíta apayantsu.

Ranrachow kaqkunam kayan wiyariykur, chaskiyan palabrata kushikiywan; peru keykunaqa watsinnaq karnin; ichik tyempulla kreyiyan, i prweba tyempuchow rakikákuriyan.

I nerqan peykunata: —¿Meychowtaq keykan kreyikiynikikuna? Mantsakeywan, almirakuyaq, i ninakuyaq jukninkuna jukninkunawan: —¿Pitaq key, yakukunata i byentukunata mandan, i kásuyan?

I náni kuchunchow keykaqkunam kayan wiyaqkuna, i tseypita dyablu shamur shonqunpita jorqurin palabrata, mana kreyiyánanpaq i mana salbakuyánanpaq.

Manam imapis kantsu pakaraq, mana rikakámoqqa; ni pakashqa, mana reqishqa kananpaq, i aktsiman yarqamunanpaq.

Tseynam, warmi ratakiyta mana kanqanta rikeykur, katateykar shamorqan, i chakinkunaman qonquriykur willarqan llapan nunakunapa nowpanchow imareykur yatashqanta, i imanow tsey óralla kachakashqanta. I peynam nerqan: —Tsuri kreyikiynikim salbashorqonkiy; eywakiy yameychow.

I peyman shayámorqan i riwatsiyarqan, nishpa: —¡Mayestru, Mayestru, ushakárintsiknam! Riwarkur pey, piñaparqan byentuta i laqcheqseyninkunatapis; i párariyarqan, i shumaqlla keydarerqan.