Versículos más leídos de la Biblia Yon 21

Compartir

Daxang laing sup, baing Yesu harua na Saimon Pita ba, “Yon Garanoa Saimon, murungam sibuna manga dali riamgadi li murungadinga?” Harua ba, “Toxoratamona, wane. Uxabia ba nga murugu sibuna maung.” Yesu harua na ba, “Uhaxang sipsibigu tutubindi.” Yesu harua na muli ba, “Yon Garanoa Saimon, murum sibuna manga?” Haxuya ba, “Toxoratamona, wane. Uxabia ba nga murugu sibuna maung.” Yesu harua na ba, “Uwasa mana sipsibigudi.” Harua na bunging tuwau ba, “Yon Garanoa Saimon, murum sibuna manga?” Pita hatuminganoa mauxana namua na harua na bunging tuwau ba, “Murum sibuna manga?” Baing harua ba, “Toxoratamona, ung guxabia axamang longgalo. Ung guxabia ba murugu sibuna maung.” Baing Yesu harua na ba, “Uhaxang sipsibigudi.

Maxung sibuna ngaharua naung ba, muga bungina uwa gananunauyu, ugoxi waxuma wagigia ulemia saing uhaxa long baruamta ubo mana ba. Ning mari uwa duanga, bagula uraria rimamdi, saking bagula disausaung saing daxaiung mala mana longga ubo ba ula mana ba te.”

Harua nadi ba, “Ating amagua waga rubing rimamo baing bagula axap teladi.” Binabu diting mala, saing sanga ba daxai amagua mahaing te, namua na songdi dibaxagi buk.

Saimon Pita harua nadi ba, “Ngala ngaxuni amagia.” Baing daharua na ba, “Bagula am gamala ranguaung.” Binabu dila dahaing wagia, ne yambongga baguba daxap song tela te.