Versículos más leídos de la Biblia Aposel 2

Compartir

Pita haxuya ba, “Ang taining taining longgalo bing axugia hatumingaima saing axap langa mana Yesu Kristo yanoa, baing Urana bagula yunga kuboluim diandi. Alibu bila ba, baing bagula axap yahanga Urana hau haruangua mana ba, ina Aningonoa baing.

Xaidap taining tainina lipudi dahaxi ba disu mana aposeldi tubatubaingadinga, xaung dahaxi ba digugunia duwa taininau, xaung digugunia daxang xaung digabudi disabu na Urana.

Ding dibaxagi mana Urana Aningonoa saing dungguti daharua haruanga teladi bila Urana Aningonoa haringiadi bu dilibu.

Hata sibuna li bibinga bila yang haringina ma sangua long xaiya, saing numa dirung mana ba baxagi mana. Baing dibagu axamandi bila yap manandi dahata ding saing dila duwa mana lipu taining tainina. Ding dibaxagi mana Urana Aningonoa saing dungguti daharua haruanga teladi bila Urana Aningonoa haringiadi bu dilibu.

Xaidap taining tainina digugunia ding Urana Numang yabania. Digugunia numadingia bu daxang Toxoratamona Angiang Hatuminga Haringinama, saing diyaha, hatumingadingdi dimesa ba dituxu sinak mana angiadingdi. Diti Urana yanoa saing lipu longgalo gamodingdi diyaha manadi. Baing xaidap taining tainina Toxoratamona waxata ba xap lipu teladi muli, saing sabungadinga tubu.

“ ‘Urana harua ba, mana xaidap subingandi bagula ngasina Aningogua mari mana lipu longgalo. Garaim lupdi xaung garaim haingdi bagula daxap suxungugua saing dibaxanga, Gananuna angiadi bagula dibagu axamandi bila mibingadi, Duangaimdi bagula dimip mibingadi.

Lipu hatuminga haringinam longgalo duwa taininau saing duwasa mana xalingidingdi rangua ding. Lipu gaxarea diraxap bing lipudi disina xalingidingdi bu lipudi digimdi saing dituxu sinak nadi.

Baing lipu gaxarea duwagi mana Toxoratamona yanoa, bagula ngaxapdi muli.’

Xaidaba bagula laba saing sobaga bagula sok bila sip muga mana xaidap sabanga Toxoratamona bagula ma xaung ralang sabanga.