Versículos más leídos de la Biblia San Mateo 27

Compartir

Ni̱ ꞌngo̱ si ga hua̱ꞌnij, ni̱ gaguáj nucuaj Jesús. Ni̱ gataj sij: ―Eli, Eli, lama sabactani. ―Daj gataj sij gaguáj sij. Ni̱ snanꞌanj manꞌan sij ruhuaj gata: Danꞌanj manꞌānj, Danꞌanj manꞌānj, u̱n sin huin, ni̱ duná re̱ꞌ urīnj únj. Daj gataj Jesús gunun Yanꞌanj.

Ni̱ ꞌngo̱ tsitsiꞌ hui̱j dasu atsij nicoꞌ chruhua nuhui nico daꞌ chraj nga̱ daꞌ xiꞌij. Nga ni̱ nagunanꞌ yoꞌój. Ni̱ guisitsiꞌ huej. Ni̱ naxiꞌníj rian gachinꞌ ni sij níman. Ni̱ ganáꞌnij nico nnee̱ cúj ni tsínj hua sa̱ꞌ niman gahuiꞌ.

Ngaa ni̱ gaguáj nucuaj ru̱huaꞌ yún Jesús. Ni̱ gahuiꞌ síꞌ.

Ni̱ guiniꞌi snado centurión nga̱ ango ni snado niquinꞌ dugumi Jesús. Ni̱ guiniꞌi ni sij gaꞌna̱ꞌ yún nga̱ daranꞌ si gahuin. Ngaa ni̱ ni̱nꞌ ruhua guxuꞌuiꞌ ni sij. Ni̱ gataj ni sij: ―Xa̱ngaꞌ, ni̱ hué tsínj nan huin daꞌníj Yanꞌanj anj. ―Daj gataj ni sij.

Ni̱ ngaa guisíj gaxu̱j, ni̱ gahuin ru̱miꞌ rian daranꞌ xungüi̱. Ni̱ gahuin ru̱miꞌ daꞌ ga hua̱ꞌnij diꞌni̱.

Ngaa ni̱ gataj Pilato gunun ni sij: ―Da̱j huin ruhua ni é re̱ꞌ u̱n sin huin gui̱ꞌyā nga̱ Jesús tsínj gu̱ꞌnaj Cristo únj. ―Daj gataj sij gunun ni ngüi̱. Ngaa ni̱: ―Ga̱ri re̱ꞌ gaquíj Jesús gui̱nicoꞌ sij rian rugutsi̱, ruhua únj. ―Daj gataj daranꞌ ni ngüi̱. Ngaa ni̱ gataj Pilato gunun ni sij: ―Da̱j hua gaquinꞌ guiꞌyaj sij únj. ―Daj gataj Pilato. Sani̱ na̱anj gaguáj ru̱huaꞌ yún ni sij: ―Ga̱ri re̱ꞌ gaquíj Jesús gui̱nicoꞌ sij rian rugutsi̱ aj. ―Daj gaguáj ni ngüi̱ daj.