Versículos más leídos de la Biblia San Lucas 17

Compartir

Ngaa ni̱ gataj Jesús gunun tsínj daj: ―Na̱chica re̱ꞌ, ni̱ ga̱nꞌanj re̱ꞌ xiꞌí si guxuman ruhuá re̱ꞌ niꞌyáj re̱ꞌ manꞌānj, ni̱ nahuín re̱ꞌ aj. ―Daj gataj Jesús.

Ni̱ nu̱nj si gui̱ꞌyaj jnánj re̱ꞌ ichij gaquinꞌ rián re̱ꞌ ꞌngo̱ güi, ni̱ hua nia̱n si ni̱caj re̱ꞌ ꞌngo̱ niman nico nga̱ sij sisi̱ ga̱ꞌnaꞌ na̱taꞌ sij yu̱n yu̱n rián re̱ꞌ sisi̱ si̱ guiꞌyaj sij gaquinꞌ da ga̱ mánj. ―Daj gataj Jesús gunun ni tsínj nicoꞌ sij.

Ni̱ ngaa guiniꞌi ꞌngo̱ tsínj daj sisi̱ ganahuin sa̱ꞌ sij, ni̱ nanica̱j sij gaꞌmi nucuaj sij si hua ꞌueé guiꞌyaj Yanꞌanj nga̱ sij. Ni̱ ganiquinꞌ ráj da̱coj sij rian Jesús. Ni̱ ga̱ꞌ rian sij rian yoꞌój. Ni̱ nagaꞌuiꞌ sij guruhua Jesús. Ni̱ tsínj daj huin ꞌngo̱ tsínj samaritano.

’Ga̱ cuidado a ni é re̱ꞌ da̱j gui̱ꞌyaj ni é re̱ꞌ. Sisi̱ gui̱ꞌyaj jnánj re̱ꞌ gaquinꞌ rián re̱ꞌ, ngaa ni̱ na̱taꞌ re̱ꞌ si-ga̱quinꞌ sij rian manꞌan sij. Ni̱ sisi̱ na̱ni ruhua sij xiꞌí si-ga̱quinꞌ sij, ngaa ni̱ ni̱caj re̱ꞌ ꞌngo̱ niman nico nga̱ sij.

Ngaa ni̱ gataj Jesús: ―Sé ichiꞌ ranꞌ ni é re̱ꞌ huin si ganahuin sa̱ꞌ, guiꞌyā a̱ꞌ. Ni̱ a̱ ganꞌanj ango u̱n ranꞌ ni sij únj.

Ngaa ni̱ gataj Señor Jesús: ―Ni sisi̱ gu̱xuman ruhua ni é re̱ꞌ da̱j rúnꞌ ꞌyaj ꞌngo̱ ca̱n cuej nasa, ngaa ni̱ ga̱ꞌue ga̱taj á re̱ꞌ gu̱nun chrun nan sisi̱ gu̱xun manꞌan ga̱nꞌanj-ánꞌ chruhua nnee yanꞌanj. Ni̱ gu̱nun chrun rian án re̱ꞌ aj.

’Ni̱ u̱n tsínj huin ruhua na̱caj manꞌan sij, ni̱ ga̱huiꞌ sij. Sani̱ u̱n tsínj ga̱ꞌue ga̱huiꞌ rian xiꞌīj, ni̱ na̱caj sij manꞌan sij.

Ngaa ni̱ gataj Jesús gunun ni tsínj nicoꞌ sij: ―Xungüi̱ nan, ni̱ hua nico ni rasu̱n ꞌyaj sisi̱ gui̱nicoꞌ ni ngüi̱ chrej xi̱ꞌi. Sani̱ niqui niman ꞌngo̱ tsínj aꞌuiꞌ ꞌngo̱ chrej xi̱ꞌi riqui dugüiꞌ sij. Daj si gui̱ranꞌ sij castigo, gui̱ꞌyaj Yanꞌanj. Ni̱ asi̱j nun gaꞌuiꞌ sij ꞌngo̱ chrej xi̱ꞌi riqui dugüiꞌ sij, ni̱ du̱güej naj ni sij ꞌngo̱ yej to anumi xá sij ga̱nꞌanj sij chruhua nnee yanꞌanj nga̱ a̱ꞌ. Daj si quij ꞌyaj ꞌngo̱ tsínj ngaa aꞌuiꞌ sij ꞌngo̱ chrej xi̱ꞌi riqui ꞌngo̱ tsínj ngaa na̱ca natu síꞌ si-chrej Yanꞌanj.

’Ni̱ da̱j rúnꞌ guiꞌyaj ni ngüi̱ yoꞌ gane tsínj gu̱ꞌnaj Noé, ni̱ daꞌngaꞌ daj gui̱ꞌyaj ni ngüi̱ güi ngaa ga̱ꞌnaꞌ daꞌníj ni ngüi̱ huin manꞌānj. Daj si ngaa gane Noé, ni̱ xa ni sij goꞌo ni sij. Ni̱ xacaj ni sij yunꞌunj xa̱na. Ni̱ ni̱nanj daj guiꞌyaj ni sij da̱ꞌ güi gatúj Noé chruhua rio̱ chéj rian nnee. Ngaa ni̱ ꞌngo̱ gamanꞌ guma̱n huee xxi nu̱n güi ni̱ganꞌ. Ni̱ gara ni̱nꞌ nnee ni̱nꞌ ga̱chraꞌ chruhua xungüi̱. Ni̱ gahuiꞌ daranꞌ ni ngüi̱, guiꞌyaj nnee.