Versículos más leídos de la Biblia San Juan 4

Compartir

Ni̱ u̱n yuꞌuj huaj néꞌ, ni̱ nne Yanꞌanj xa̱ngaꞌ yuꞌuj daj. Daj si da̱j rúnꞌ huin ꞌngo̱ nane̱ sa̱ꞌ huin Yanꞌanj. Ni̱ ni ngüi̱ nicoꞌ Yanꞌanj, ni̱ hua nia̱n gui̱nicoꞌ xa̱ngaꞌ ni sij Yanꞌanj nga̱ niman ni sij. ―Daj gataj Jesús gunun yunꞌunj xa̱na daj.

Sani̱ hua ꞌngo̱ güi sisi̱ ni ngüi̱ nicoꞌ xa̱ngaꞌ Yanꞌanj, ni̱ gui̱nicoꞌ ni sij Yanꞌanj ꞌngo̱ ducuánj na̱ca. Ni̱ yya̱j ni̱ ga̱xiꞌi ni ngüi̱ gui̱nicoꞌ xa̱ngaꞌ ni sij Yanꞌanj nga̱ niman ni sij. Daj si nanaꞌuiꞌ chrej néꞌ Yanꞌanj sisi̱ daꞌngaꞌ daj gui̱ꞌyaj néꞌ gui̱nicoꞌ néꞌ Yanꞌanj.

Sani̱ tsínj go̱ꞌo nnee ga̱ꞌuiꞌ manꞌānj, ni̱ nitaj a̱man na̱goꞌo sij nnee ga̱ mánj. Ni̱ da̱j rúnꞌ huin ꞌngo̱ pozo rian nachi nita ꞌueé nnee, ni̱ daꞌngaꞌ daj ga̱huin chruhua niman ꞌngo̱ tsínj go̱ꞌo nnee ga̱ꞌuiꞌ manꞌānj. Ni̱ ga̱ ni̱ꞌnaꞌ ni̱ganj tsínj daj nga̱ Yanꞌanj, gui̱ꞌyaj nnee daj. ―Daj gataj Jesús.

Ngaa ni̱ gataj Jesús: ―Sisi̱ xa̱caj re̱ꞌ cuenta xiꞌí sinduj gui̱ꞌyaj Yanꞌanj xiꞌí re̱ꞌ, ni̱ sisi̱ gui̱niꞌí re̱ꞌ u̱n tsínj achínj nnee rián re̱ꞌ, ngaa ni̱ ga̱chinj re̱ꞌ nnee rian sij, ni̱ ri̱qui sij nnee ꞌyaj si ga̱ ni̱ꞌnaꞌ ni̱ganj re̱ꞌ nga̱ Yanꞌanj anj. ―Gataj Jesús gunun únꞌ.

Sani̱ gataj Jesús: ―Da̱j rúnꞌ chra xāj huin si gui̱ꞌyā si huin ruhua si gaꞌníj gaꞌnāj. Ni̱ daꞌngaꞌ daj huin ruhuāj ga̱nahuij si-sūnj, gui̱ꞌyā aj.

Ngaa ni̱ gataj yunꞌunj xa̱na daj: ―Ni̱ a̱ ꞌngo̱ rasu̱n nitaj nicáj re̱ꞌ gui̱ri re̱ꞌ nnee mánj. Ni̱ ducu gu̱nun pozo nan. Ni̱ ni̱ a̱ gui̱riꞌ re̱ꞌ ri̱qui re̱ꞌ nnee ꞌyaj si ga̱ ni̱ꞌnāj ni̱ganj nej únj.

Ngaa ni̱ gataj yunꞌunj xa̱na daj: ―Niꞌīnj sisi̱ ga̱ꞌnaꞌ tsínj ga̱nacaj ni ngüi̱ huin tsínj gu̱ꞌnaj Cristo. Ni̱ ngaa ga̱ꞌnaꞌ síꞌ, ni̱ na̱taꞌ yya síꞌ daranꞌ nuguanꞌ rian néꞌ. ―Gataj únꞌ. Ngaa ni̱: ―Hué manꞌānj huin Cristo tsínj aꞌmi nga̱ re̱ꞌ nánj. ―Gataj Jesús.

―Ga̱nꞌanj néꞌ ni̱ gui̱niꞌi néꞌ ꞌngo̱ tsínj gataj gunūnj daranꞌ si guiꞌyā. Cristo huin sij, ruhua á re̱ꞌ níꞌ. ―Daj gataj yunꞌunj xa̱na daj.