Versículos más leídos de la Biblia Genesis 9

Compartir

Subong tanda sang walay katapusan nga kasugtanan nga akon ginahimo upod sa inyo kag sa tanan nga mga tinuga nga nagakabuhi, ginabutang ko ang akon balangaw sa mga panganod. Ini mangintanda sang akon kasugtanan sa kalibutan.

Kon ang balangaw magpakita sa mga panganod, makita ko ini kag dumdomon ko ang akon walay katubtoban nga kasugtanan sa tanan nga mga tinuga nga nagakabuhi sa duta.”

Ang bisan sin-o nga magpatay sang tawo pagapatyon man sang pareho niya nga tawo. Kay ang tawo ginhimo nga kaanggid sa Dios.

Ginbendisyunan sang Dios si Noe kag ang iya mga anak nga lalaki kag ginsingganan niya sila, “Magpamata kamo sing madamo agod ang inyo mga kaliwat maglapnag sa bug-os nga duta.

Karon makakaon kamo sang tanan nga mga sapat kag subong man sang tanan nga mga tanom. Ginahatag ko ini tanan sa inyo nga inyo kalan-on.

Ang tanan nga mga sapat, mga pispis, kag mga isda, magakahadlok sa inyo. Kamo ang magagahom sa ila.

“Dapat kamo magbata sing madamo, agod ang inyo mga kaliwat magadamo kag magalapnag sa bug-os nga duta.”