Versículos más leídos de la Biblia Genesis 18

Compartir

May butang bala nga tama kabudlay para sa GINOO? Suno sa ginsiling ko, sa tapos sang siyam ka bulan sugod karon magabalik ako sa imo kag si Sara magaanak sing lalaki.”

Gani si Sara nagkadlaw sa iya kaugalingon kag nagsiling, “Karon nga tama na ako ka tigulang, magakalipay pa bala ako sa pagpakighirop sa akon bana? Wala labot sini, ang akon bana tigulang naman.”

Ang iya mga kaliwat mangindaku kag gamhanan nga pungsod, kag ang tanan nga mga pungsod sa duta magapangayo nga bendisyunan ko sila subong sang akon pagbendisyon sa iya.

Si Abraham nagpalapit sa GINOO kag nagpamangkot, “Pagalaglagon mo gid bala ang mga matarong upod sa mga malaut? Kon may yara nga singkwenta ka matarong nga mga tawo sa siudad, pagalaglagon mo bala ang bilog nga siudad? Indi mo bala pag-ipaiway ang kalaglagan agod maluwas ang singkwenta?

Ang GINOO nagsabat, “Kon makakita ako sing singkwenta ka matarong nga mga tawo sa Sodoma, indi ko paglaglagon ang bug-os nga siudad tungod sa ila.”