Versículos más leídos de la Biblia Matteus 7

Compartir

Bed, so skal de få, leita, so skal de finna, banka på, so skal det verta upplate for dykk!

For kvar den som bed, han fær, og den som leitar, han finn, og den som bankar på, vert det upplate for.

Den som no høyrer desse ordi mine og gjer etter dei, han vert lik ein vitug mann, som bygde huset sitt på berg.

Alt som de då vil at andre skal gjera mot dykk, det skal de og gjera mot dei; for so er lovi og profetane.

Men trong er den porten, og smal er den vegen som fører til livet, og få er dei som finn han.

Gakk inn igjenom den tronge porten! For vid er den porten, og breid er den vegen som fører til fortaping, og mange er dei som gjeng inn der.

Når no de veit å gjeva borni dykkar gode gåvor, de som er vonde, kor mykje meir vil so ikkje Far dykkar i himmelen gjeva noko godt til dei som bed han!

Døm ikkje, elles vert de dømde! For den domen de dømer, skal de dømast etter, og det målet de mæler med, skal dei mæla åt dykk i.

Og den som høyrer desse ordi mine og ikkje gjer etter dei, han kann liknast med ein fåvis mann, som bygde huset sitt på sand.

Kvi ser du flisi i auga åt bror din, men bjelken i ditt eige auga, den vert du ikkje var? Eller korleis kann du segja til bror din: Kom, lat meg taka flisi ut or auga ditt! og sjå, det sit ein bjelke i ditt eige auga!

Tak dykk i vare for dei falske profetane! Dei kjem til dykk i saueham, men innvertes er dei grådige ulvar. På fruktene deira skal de kjenna dei; kann ein hausta druvor av klunger eller fikor av tistlar?

Soleis ber alle gode tre god frukt, men låke tre ber vond frukt.

Eit godt tre kann ikkje bera vond frukt, og eit låkt tre kann ikkje bera god frukt.

Men kvart tre som ikkje gjev god frukt, vert hogge ned og kasta på elden.