Versículos más leídos de la Biblia Mak 6

Compartir

Lɛ gi banɔ glegle bɛzɛtrɛ xe batɔ fɛ bɛzɛba ɛ, Yesu ni yɛ badɔkpasi ba bámɔ kudeonu tete xe biaŋa bidɔ fɛ ɛ. Lɛ loso asi ba si, “Mlaki tɔ kubu lidze dzaa atɔ mlazeze mɔni taʋɛ.”

Nite si Yesu asi ba si, “Bizɛkpɛ kubùbù ní Aya yɛ beboedoplɛ ba su ní ɔkɔ kakaa. Pɔ̀ ní ba kepea ɛ, ba akɔanɛ ma nì ba benete ba kusi kɔ ɛ, beboedoplɛ ba béyi kididɔ ní ba aŋu mɛ ɛ.”

Gi Yesu edo ní katapokpaa mɛ xe amɔ linɔkpi le e, ba liboe liga yɛ asigaga lɛ ese linu si beze ŋwisi iʋesi gi ɔʋadi óze ní lɛ awla kinɛ ɛ. Lɛ loso ekpese ba bidɔ glegle kubasɛ.

Yesu ɔ́tani enugutseboe atɔtɔ kubitɛ níklɔ ɔ, sani si ɔtrɔ yɛ awla ní banɔ klakla batɔ aʋa lɛ bɛhaya ɛ. Litu ye kugyɔ si kuziŋa kúze ní banima mɛ ɛ. Lɛ Yesu aklani kumami uliɔ klɔ gi kwiklani Nazaret i, kɔ mɛ xe abasɛ bidɔ mɛ ní kɔ petee me e.

Lɛ Yesu akɔ aklã tetsu la ni akpa taʋa la ɛ. Efeke yɛ aŋu na edi lifunu ne, lɛ edo Aya ɖase e. Ayaʋi aklã na lɛ avini akpa la fɛ mɛ xe akɔ aki yɛ badɔkpasi ba si balɛ aki linɔkpi le petee e. Ɔnɔ kakaa aŋa, gi eke e. Pɔ̀ gi bɛŋa pɔ ɛ, badɔkpasi ba bɛkpɛ bidɔ mɛ gi bɛŋa ɛgɔ likpɔ, gi biyi kusɔʋi liɔfɔ ni tuʋa a.