Versículos más leídos de la Biblia Mak 11

Compartir

Lɛ loso e mɛɛsi mlɔ si: xe mlɛxwa Aya a, xe mleʋi yɛ kiditɔ ɛ, mlazi lɛ aʋa aŋa si mlɛzi kɛ. Nite si kidɔ kakaa gi mleʋi Aya ɛ, akɔ kɛ ɔki mlɔ.

“Mɛɛtrɔ likla ní lɛ aʋa ɛki mlɔ si, ɔnɔ kakaa gi aasi ketokpaa lia ya si, ‘kakpaʋi tɔ kazɛŋwia isu ya akpɛ ní axu la mɛ ɛ,’ xe azɛ lɛ aʋa aŋa ní yɛ ɔna nɔ mɛ ɛ, si liboe lɛ gi yɛ apani liaba lɛ mɛ ɔki yɛ ɛ, lianyaba lɛ mɛ ɔki yɛ ɛ.

Lɛ xegi mlalɛɛ si mlɛxwa Aya ɛ, mlakɔ liboe kakaa gi mlevu i kpɛ ní ɔna mɛ aki ɔnɔ kakaa ɛ, kukɔkyɛ yɛ, tɔ mlɔ Ɔkaɛ ní lifunu ne fɛ ɛ, aakɔ̀ mlɔ eboe zimizi na kukɔkyɛ mlɔ.

Lɛ Yesu ebu le onu si, “Mlazi Aya aʋa ŋa.”

Lɛ abasɛ banima bidɔ si, “Bɛŋwlimi kpɛ ní Aya yɛ Liboe le me si, ‘Biaxwa Mɛ kepea mɛ si kelea mɛ banima petee ba Aya ɔxwakɔ.’ Pɔ̀ lɛ mlekyi niklɔ edzì beze ba okpokɔ ɛ!”

Banɔ ba klɔ gi beze ní ɔtɔ nɔ nì kedea pɔ́ bɛkpɛ ozi lo si, “Hosana! Aya ɔkrira ɔniliɛ klɔ gi atrába ní Ɔkaɛ yɛ linyine me e!

Aya ɔkrira blɔ Ɔkatsitsi ye Dawid yɛ kaʋaŋaa gi kɛtraba ɛ. Hosana ní lifunu ne hwii.”