Versículos más leídos de la Biblia Agege 1

Compartir

Obaŋa te kobo ni, “Oti wunu dano ame cal kedwa, me gin lo rec me nam, kede winy a twarre malo, kede leyi me paco, kede wi lobo luŋ, kede gin ducu ame lak alaka piny i lobo.” Eka Obaŋa te keto dano i callere, oketogi co kede mon.

Obaŋa te miyogi winyo kun kobo ni, “Nywal, imdede, ipoŋ wunu lobo, ilo wunu daŋ; dok ilo wunu daŋ rec me nam, kede winy ame twarre malo, kede gin ducu akwo ame tye i wi lobo,”

Agege Obaŋa oketo polo kede lobo.

Lobo onwoŋo orubere atata kun ginnoro mom iye, colpiny onwoŋo owumo pii atut oko; Cuny Obaŋa olyero i wi pii.

Obaŋa te kobo ni, “Lero myero bed tye”; lero daŋ te bedo tye.

Obaŋa te neno jami ducu ame en otio, nen, onwoŋo ber meicel. Otyeno piny te yuto dok piny te ru, mannono te bedo nino me kanyape.

Obaŋa te neno ni ber; te poko akina lero kede colpiny.

Obaŋa te kobbegi ni, “Nen, atyeko miyowu ginapita ducu me wi lobo luŋ ame kotigi tye, kede yen adoŋo ducu ame nyako nyiggi ame kotigi tye i yigi; gin luŋ bino bedo camwu.

Obaŋa te cako nyiŋ lero ni Iceŋ, te cako nyiŋ colpiny ni lwor Otyeno piny te yuto dok piny te ru, mannono te bedo nino me agege.

Obaŋa te kobo ni, “Gin opette myero bed tye malo ame poko pii kede pii.”

Dok leyi ducu me tim kede winy ducu ame twarre malo, kede gin ducu ame lak alaka i wi lobo, ame tye kede kwo, atyeko miyogi pot jami ducu me bedo camgi”; eka te daŋ timere amannono

Obaŋa te kobo ni, “Gigi mogo aryeny myero bed tye i gin opette i polo me poko Iceŋ kede lwor; me gin bed gin me anena ame cimo kare kede nino kede mwaka

Obaŋa te kobo ni, “Lum kede ginapita ame kotigi tye, kede yen adoŋo a nyako nyiggi ame kotigi tye i yigi, acalo eponegi tye i wi lobo, myero tu i lobo”; eka te timere amannono.

Obaŋa te tiyo gin opette, te poko pii ame tye piny i te gin opette kede en ame tye malo i wi gin opette, eka te timere amannono.

Lum kede ginapita ame kotigi tye i yigi, kede yen adoŋo a nyako nyiggi, ame kotigi tye i yigi, acalo eponegi tye, te tu i lobo; Obaŋa te neno ni ber.

Obaŋa te tiyo gin aryeny aryo adoŋo, en adwoŋŋere me loyo dyeceŋ, en atidi mere me loyo dyewor; te tiyo daŋ acer.

Obaŋa te kobo ni, “Pii ame tye piny i te polo myero cokere poŋ karacel i kabedo acel, me piny otwo nen”; eka te timere amannono. Obaŋa te cako nyiŋ piny otwo ni Lobo, te cako nyiŋ pii ocokere opoŋ karacel ni Nam; Obaŋa te neno ni ber.

Obaŋa te miyogi winyo kun kobo ni, “Nywal, imedde, ipoŋ wunu pii me nam, wun winy daŋ medde wunu i wi lobo.”

Obaŋa te kobo ni, “Lobo myero nywal gin akwo acalo eponegi tye: leyi me paci, kede gin ame lak alaka, kede leyi me tim acalo eponegi tye”; eka te timere amannono.

Obaŋa te kobo ni, “Gin ame tye kede kwo myero corre, nya i pii; kede winy ame twarre malo i wi lobo i nyim gin opette i polo.”

Obaŋa te tiyo leyi me tim acalo eponegi tye, kede leyi me paco acalo eponegi tye, kede gin ame lak alaka piny acalo eponegi tye; Obaŋa te neno ni ber.