Versículos más leídos de la Biblia Apokalupo 7

Compartir

E i muri aki i te reira, akara atura au, e i na, e aronga maata rava, kare takiri e pou kia tatau, no te pa enua ravarai, e te au kopu ravarai, e te au iti-tangata ravarai, e te au reo katoa oki, i te tu ua anga ki mua i te terono, e ki mua i te Punua-mamoe, ma te kakau teatea i te kakau anga, e ma te kikau nu tamara i to ratou rima

E ma te kapiki nui to ratou reo, i te na ko anga e, No to tatou Atua te ora, tei noo ki rungao i te terono, e no te Punua-mamoe.

Na te Punua-mamoe oki ko tei noo i rotopu i te terono ra e angai ia ratou, e e arataki oki ia ratou ki te au pupui anga o te vai ora, e na te Atua e orei i to ratou roi-mata katoa i to ratou mata.

I noo ei ratou ki mua i te terono o te Atua ra, e i akamori ei ratou iaia i te po e te ao i tona nao: e na tei noo ki runga i te terono ra e noo ki rotopu ia ratou. Kare ratou e pongi akaou, kare oki e kaki vai akaou; kare oki ratou e iti akaouia e te rā, e te veravera.

Na ko maira, Auraka na e rave kino atu i te enua, e te tai, e te au rakau, kia ope ra te au tavini o to tatou Atua i te akairoia e matou to ratou rae. Kua akarongo atura au i te maata anga o te aronga i akairoia ra: okotai anere e a ngauru ma a i te tausani i akairoia ra, no te au kopu ravarai o te tamariki a Iseraela ra.