Versículos más leídos de la Biblia Shilipu 4

Compartir

Á bə̀kʼá cĩ́ kaka twə́lə́ á wẽ́ yé. Cenə Yi kɔn gakó wẽ́, á ce rə̀ nə̀báná, sʼá lwə̀l lè kɔn dɛ̀bɛ́ gakó á zhe rə̀ tum.

Sə Yi yə̀-zùlə́ né nə̀ du numbyíní surhə dwí gakó mó bʼa yìlì á wun ní ǹdʼá bùlə̀ né Yezu Kristə wẽ́.

Da-byâ, nyǐnə kɔn dɛ́ dɛ̀bɛ́ rə̀ dàl à la ába byilu mú: zəna kɔn dɛ̀bɛ́ gakó rə̀ càn, rə̀ mə̂ dwã ǹdə́ còrhó mó, á cĩ́ á wẽ́: dɛ̀bɛ́ gakó rə̀ wɔ́ zhə̀nà, dɛ̀bɛ́ gakó rə̀ mə̂ dwã ǹdə́ nyɔ̀mɔ̀, dɛ̀bɛ́ gakó rə̀ wɔ́ cángá, dɛ̀bɛ́ gakó rə̀ wɔ́ pwɛ̃´pwɛ̃´, dɛ̀bɛ́ gakó rə̀ mə̂ dwã ǹdə́ sónó, dɛ̀bɛ́ gakó rə̀ wɔ́ yil-dɛ̃̌-zhõ̌ kɔna; cĩ́nə rə̀myɛ́ gakó á wẽ́

À wɔ̌ rə̀myɛ́ gakó Kristə jàn yilə.

Á gə́ zù Cinu mú ce, fǔnə ǹdə́ wu-nyɔ̃̀. À kʼa bwérhé à nʼâ wə̀l ába: fǔnə ǹdə́ wu-nyɔ̃̀.

Kɔn dɛ̀bɛ́ gakó á zhe rə̀ tum, à Yi rí rə̀ zhe kɔn gakó mó mʼa pə rɛ ába Yezu Kristə wẽ́.

sʼá ce jàn nɛ́ á wɛ̀rhɛ́ kɔn dɛ̀bɛ́ gakó á nyɛ̀ɛ̀ à byili ába mó, ǹdə́ dɛ̀bɛ́ à wɛ̀rhɛ́ á yírhə́ nə mó, ǹdə́ dɛ̀bɛ́ à cèrhè ába á zwẽ mó; sʼá yẽ̌ bə̀ Yi rí tɛ̀bɛ́ rə̀ nʼê pɛ yə̀-zùlə́ mó bʼa yə̀ nɛ́ ǹdʼába.

Wɛ̀rhɛ́na wu-bɔ̀nɔ̀ ǹdə́ lyì bí gakó, bə̀ Cinu twírí y bwəlse.

À gə zhe dɛ̃´dɛ̃´, à gə bə kaka zhe myɛ, à yě à gə́ nʼâ zal à cìn ní. À gə zhe à nʼâ jí, à gə bə zhe à nʼâ jí myɛ, à gə zhe dɛ̃´dɛ̃´, à gə bə kaka zhe myɛ, à wu nyɛ̀ rə̀myɛ́ ga wẽ́.

È də̀ kɔn à nʼâ yâl yil à nʼâ zɔ̀m èta yé. À wu nyɛ̀ ǹdə́ kɔn dɛ̀bɛ́ à zhe mó.