Versículos más leídos de la Biblia 1 Timote 2

Compartir

Zhə̀nà, Yi wɔ́ rə̀dù sá, cã̌-zalna mɔ́ myɛ wɔ́ mə̀dù sa, Yi ǹdə́ numbyínə́ bé cəcəl wə. Cã̌-zalna mɔ́ ńmyɛ̌ wɔ́ numbyíní, wɔ́ Yezu Kristə. Ń pɔ ń cìn ǹdə vwĩ̀-kɔn ta, mùnì lyì bí gakó nə bə̀ cìnə̀. Wɔ́ yi rí tɛ̀bɛ́ Yi yʼà cír mó gə́ yú yó ń wɛ̀rhɛ́ èta nɛ́, mùnì ga n yə̀ yò w òmyɛ́ zhə̀n-cínnə.

Kɔn dɛ̀bɛ́ à la jɛ̀rɛ̀ a byili mú mú wɔ́, bə̀ lò gakó wɛ̀rhɛ́ Yi-co lyì bí gakó yilə, n zə Yi cã̌ nɛ, n lwə̀l lè, sə n ce rə̀ nə̀báná, n lwə̀l rə̀ sãɔ̃ pyâ bɛ́ ǹdə́ lyì byɛ̀bɛ́ gakó bə̀ wɔ́ yé né cìnə́ mó yilə, mùnì ga nə́ ŋwɛ̀nɛ́ nə́ jòm shɛ́ɛ́ ǹdə́ yə̀-zùlə́, nə́ zə nə́ cìn náàcɛ̀nɛ́ nə́ mʼé tó Yi ni.

Rə̀myɛ́ ce, à nʼâ yâl bə̀ jààsɛ́ gakó bala bɛ́ zhẽ̌ bə̀ jɛ̀rh dɛ̃̌ bə ce Yi ǹdə́ wu-põ, sə lyim ǹdə́ bùlə̀ námməlwâlsɛ bə̀kʼa yə̀ bə̀ wẽ́ yé. À nʼâ yâl bə̀ kana bɛ́ myɛ ce bə̀ gàndɛ́ cɛ̀nɛ̀. Bə̀ mə̂ sə bə ce gàndɛ́ tɛ̀bɛ́ rə̀ mâ. È bə̀kʼa yə̀ cìn-byilu gàndɛ̀ yé. Bə̀ bə mə̂ sə bə ce sánə́má cìbyǔr, ráá dɔ̀msɛ̀ ráá gàndɛ̀ tɛ̀bɛ́ rə̀ ye cɛ̀ dɛ̃´dɛ̃´ yé. Bə̀ mə̂ sə bə tó bə̀ tùntwĩ̀-ècɛ̀nà dɛnnɛ bə byili bə̀ cɛ̀nɛ̀ rɛ́. Wɔ́ èta kana byɛ̀bɛ́ bə̀ nʼê wə̀l bə̀ bə̀ só Yi mú mə̂ sə bə wɛ̀rhɛ́ nɛ́.