Versículos más leídos de la Biblia Gen. 9

Compartir

Mwari wakati, “Ichi ndicho chioniso chechitenderano chendinoita pakati pangu nemwi, nepakati pezvisikwa zveshe zvinopona zvinemwi, nemibarirwana inozoteera sure kwenyu. Ndinozoisa utahwadande-mutande hwangu mugore, nahwo hunozoita chioniso chechitenderano pakati pangu nenyika.

Naapo utahwadande-mutande hwaa mugore, ndinozohuringira, naapo ndinozokarakadza chitenderano chisina magumo chiri pakati paMwari nezvisikwa zveshe zvinopona zvenyama yeshe iri padera penyika.”

“Kunyazwi ndiani unoparadza ngazi yomunhu, ngazi yake inozoparadzwa ngomunhu; ngokuti Mwari wakaita munhu ngomuedzaniso wake.

NaMwari wakafumisa Noa nevakororo vake, naye wakati kwaari, “Baranai muwande, muzadze nyika.

Chiro cheshe chinohamba chinopona chinozoita kudya kwomuri; kudai ngezvendakamupa miriwo yakasvipirika, ndinopa zveshe kwomuri.

Kutyiwa kwenyu nokutyisa kwenyu kunozoapo padera pemhuka yeshe yomunyika, nepadera peshiri yeshe yomumweya, nepadera peicho cheshe chinogwezva panyika, nehove dzeshe dzomuruandhle, zvakaiswa munyara dzenyu.

Imwimwi, baranai muwande; mubarane kakurutu munyika, muwande mukati mwayo.”