Versículos más leídos de la Biblia Maco 5

Compartir

Ani pëtënënd na lambo in do eni ŋoɓ gë enëp, ɓarikan ƴaŋ këni xaw̃ënd eɓi ŋoɓaxënënd ɗek ɓër gër iciw̃ ɓën. Awa ola orewën ol ŋoɓayindëleɓi ɓela ɓën, eni wataxënënd ɓenjekax ɓend kën rind ɓeŋ do eno cëkwaxën Sorix irewën Kaxanu, mëŋ ar ex ƴaŋ gër orën an.»

Wën ex angoɓen and ngwën aŋ. Angol and ƴaŋ në etënd aŋ ax gind na monem.

Nëngandërayindëleɓi ɓër gë ow̃ëkw ow̃ënëk ɓën gayikwa ɓën ex ɓër këŋo wat Kaxanu ɓën!

Nëngandërayindëleɓi ɓër ỹandi këɓi ola or ŝenene ang eƴamb-ƴamb fo ɓën, ɓër sel këɓi ang men fo ɓën, gayikwa Kaxanu ayël yël këɓi eni ƴamb or ŝenene ol xali eni med! ayël këɓi yël eni ceɓ xali eɓi ped.

Ɓarikan, wëno ga re këme: ŋanindënëɓi ɓër xoỹër këŋun ɓën, calenindënëɓi ɓër këŋun rixërand ɓën.

«Nëngandërayindëleɓi ɓër sitarak gër onden ɓën, gayikwa ɓën xwënëk owun or gër orën ol!

Nëngandërayindëleɓi ŝaland aketëxeta ɓën gayikwa ɓën kë hi oɓaŝ or Kaxanu ol!

Nëngandërayindëleɓi ɓër kë sesërand gërëgako ɓën, gayikwa Kaxanu ayifara këɓi yifara!

Nëngandërayindëleɓi ɓër kënëɓi rixërand në end epëɓ ed fëɓ këni end ŝenene ɓën, gayikwa ɓën xwënëk owun or gër orën ol!

Nëngandërayindëleɓi ɓër gë axaỹënan ɓën, gayikwa Kaxanu axaỹënan këŋo xaỹënan ɓën ɓëte!

Nëngandërayindëleŋun ado enun cirërand, ado enun dixërand, ado enun nagaŝandërand end ex yo në end ow̃ac oram. Nëngandërayindëleŋun, mandërayindën onënga ol gayik amaŝën atëm kën sëkëx ƴaŋ gër orën. Enimin mondako banëɓi rixërand ɓëlaw̃ënel ɓër Kaxanu ɓër lëngwatëgu këŋun gër ngwën ɓën.»

Nëngandërayindëleɓi ɓër nënga këɓi onden ɓën, gayikwa ɓën kë ɓëteli ebar el!

«Wën ex ongal ond ebar oŋ. Ɓari angëmëne ongal oŋ axac xacëk, gë ine kë ỹëw gaŝëxe? Alexëx fo ex fac eni bëñërax ɓela ɓën?

Ang hi ko ŝenene Kaxanu, Sorix irewën ak, mëŋ ar ex ƴaŋ gër orën an, wën ɓëte giyin ŝenene mondako fo.»

Gër ed ebax eƴ yaŝar, ga w̃a w̃a këƴ del “Awa”, ɓari ga h̃ëp h̃ëp këƴ del “Ali”. Gë ỹeỹ ɓaŝ këƴ na, awa er ŝaɓucara ex.»

«Ax gi ex na nde awël wël kën er rek acariya in: “Ar këŋo fëtinën yo ala angës, pëtinënëleno mëŋ ɓëte andexëm aŋ! Ɓëte ar këŋo foƴëtën yo ala añënga, poƴëtënëleno mëŋ ɓëte andexëm aŋ!” Ɓarikan wëno ga re këme mëne axo gi ex na monjaka axeỹax ar ki rixërand an. Angëmëne ala exi cën gër añam and liw̃, ɓexënëlo and ŝame aŋ.

Angëmëne angës and liw̃ aŋ ki lënanënd eñëŋënax eŋ, nongoloƴëtël eƴ ɗap caw! Gayikwa pecanëlexi eƴ ɓayi gë angës amat, gë exi ɗëxw Kaxanu ɗek eman eŋ gër xoɗux or ax ɗomind na gë eɗomi. Angëmëne ataxan andeƴ and liw̃ aŋ ki lënanënd eñëŋënax eŋ, kacal eƴ ɗap caw! Pecanëlexi eƴ ɓayi gë ataxan amat gë exi ɗëxw Kaxanu ɗek eman eŋ gër xoɗux or ax ɗomind na gë eɗomi.