Versículos más leídos de la Biblia Lükɛ̀n 21

Compartir

Nyɛ́n bɩ́ di ndà, nyɛ́n sɛ́n ɛnvra lɔ fɛn, ô nyɛ́n cɔ́ ecüì nyɛ́n di ɛci hɔ̀n lɔ kɛ và nɔn anta, ô nyɛ́n tɔhú nyɛ́n nyɔn ɔwrɔnẅì Ẅì zìwúɛ.”

“Nyɛ́n wá esùva! Nyɛ́n bɩ́ teze nyɛ́n hɛ́n lɔ kɛ srɔ́n ɛkoran mɛ̀n mán ɛntàn-kɔ́n mɛ̀n mán ɛnhibù wúvà ankà-trɔ lɔ mɛ̀n, ke dú ɔmu lɔ hô, ɛmrɛ̀n-ci bì lɔ kɛ lɛ ẅɛn nyɛ̀n nmù kprú

Nyɛ́n ẅɛn nɛ̀n nyɛ́n hɛ́n ɛshishiemɛ̀n: ɔmu lɔ de nye le bɩ́ ny'ɛwúvà hɔ̀n lɔ nyɛ́n die nɔn.”

Mɛ̀n dùku mɛ lɛ tán nyɛ̀n ankà-dɔ̀ mán ankà-nyrì léyi ny'egbri-wrɔn zriɛmɛ́n ke sɩ̀ ẅɛ̀n kè bɩ kɛ̀ kɛ́n nyɛ̀n ezì rɔ́ nɔn.

Anhobɩ́ mán ɛnhi kɛ lɛ vàcì, tɛ́n m'ɔmùan ankà-dɔ̀ ke sɩ̀ vàcí mrìmrì.”

“Eci-woroan-ci ke le dú ɛnbri mɛ̀n, okù mɛ̀n mán okùcankro mɛ̀n. Ɛnhibù wú anmàn hɔ̀n ke le dú ɛnkrɛ̀ta mɛ̀n mán gbɔ̀gbɔ̀ mɛ̀n, ecüe mán ecüe-afù bobo vri léyi yɔ lɛ yá nɔn kruhú. Anwrɔnẅì ke le wú ɛnkrɛ̀ta mɛ̀n, ankà trɔ léyi yɔ lɛ ẅɛ́n ɛci hɔ̀n léyi kɛ lɛ wɔɛn ɛnhibù mumù lɔ fɛn wú nɔn, hɩ kruhú, ɔmuhi anhobɩ́ kɔrɛ̀srɔn hɔ̀n lɔ fɛn kɛ lɛ jɔ̀kɔ̀ nɔn. Zɛtɛn, yɛ lɛ kán ɔwrɔnẅì Ẅì ke le dú ɛnwì-gbú mɛ̀n kɛ̀ và nɛ́n mán ɛkɔrɛ̀-srɔn vri mán eci-zrɔ mɛhi.

Anwrɔn lɔ fɛn ke le gbrí nyɛ̀n m'ɛkruhú.

Ɛnhibù kɛ lɛ jɔ̀kɔ̀ kɛ lɛ sevri kɩ, ɛyri bobrebe, ebrè mán ɛnlɔẅiɛ hɔ̀n ke le dù; ɛnjansu-ci mán ɛci-woroan-ci ɛvrivri hɔ̀n ke le dú anhobɩ́ kɛ lɛ và.

Ɛnvra léyi nyɛ lɛ yá anhà-kɔ́n ankà, mán edomɛ̀n-ɛwú-sɩ́ ankà, ɛnjansù ke bɩ́ ẅɛn nyɛ̀n; ke ji le eci lɔ kɛ̀ và yakɛ; tɛ́n ke sɩ̀ dù zɛtɛ̀ lɔ de kè dù ɛnvra trɔ mùan mɛ̀n nɔn.” Zɛtɛn nɛ́n dɔ̀ le: “Fɛcüè tɔ̀n kɛ lɛ kɔ́n nɛ́n nyran fɛcüè tɔ̀n anhà, kɩ ɛnhi wú nɛ̀ncüì anmàn tɔ̀n, kɛ lɛ kɛ́n nɛ́n nyrán ɛnhi wú nɛ̀ncüì anmàn tɔ̀n ezì.

“Eci-woroan-ci ke le dú ɛnbri mɛ̀n, okù mɛ̀n mán okùcankro mɛ̀n. Ɛnhibù wú anmàn hɔ̀n ke le dú ɛnkrɛ̀ta mɛ̀n mán gbɔ̀gbɔ̀ mɛ̀n, ecüe mán ecüe-afù bobo vri léyi yɔ lɛ yá nɔn kruhú. Anwrɔnẅì ke le wú ɛnkrɛ̀ta mɛ̀n, ankà trɔ léyi yɔ lɛ ẅɛ́n ɛci hɔ̀n léyi kɛ lɛ wɔɛn ɛnhibù mumù lɔ fɛn wú nɔn, hɩ kruhú, ɔmuhi anhobɩ́ kɔrɛ̀srɔn hɔ̀n lɔ fɛn kɛ lɛ jɔ̀kɔ̀ nɔn.

Zɛtɛn nɛ́n dɔ̀ le: “Fɛcüè tɔ̀n kɛ lɛ kɔ́n nɛ́n nyran fɛcüè tɔ̀n anhà, kɩ ɛnhi wú nɛ̀ncüì anmàn tɔ̀n, kɛ lɛ kɛ́n nɛ́n nyrán ɛnhi wú nɛ̀ncüì anmàn tɔ̀n ezì.

Zhezü mrɛ́n ɔmùan le: “Nyɛ́n wá esùva, nyɛ́n bɩ́ teze yɛ frɛ́n nyɛ̀n. Ɔmuhi anwrɔn bobrebe kɛ lɛ và, ke le bɩ́ m'ebɩ́, kɩ kɛ lɛ dɔ̀ le ‘Mɛ̀n dú Ebɩ̀die-wrɔn!’ kɩ ‘Ɛnvra cɔ̀a!’ Tɛ́n nyɛ́n bɩ́ kɛ́n yɔ ɛsɛ̀n.