Versículos más leídos de la Biblia Rukasi 16

Compartir

E'i jẽ Jesu: – Ava mõ moma'e sisikwerà ivo katu opyy ereko remẽ, ajaire moma'e e'ekwerà opyytà remẽ, ivo katu werekotà ãmẽ. Ãmõ, ãwĩvo ve ava mõ moma'e sisikwerà nivoi wereko remẽ, ajaire moma'e e'ekwerà nivoi wereko tary ve ipi.

E'i jẽ Jesu: – Pe'ĩte jamojõvijã jane'arà kytywarà rõmõ ipi. Mõrijõ jamojõvijã remẽ, nivo'ãi ãmẽ janeupe. Ãmõ janerõvijã ywesõ jaautà ãmõ janerõvijã wyi ãmẽ. Pe'ĩte jarovija katutà ijayvu ãmẽ. A'e ayvu rupi tè jaikotà ãmẽ ky'y. Ãmõ ayvu nijarovija'ãi ãmẽ. Ãwĩvo ve pemoma'e rè ywesõ peja'a Janejare'e wyi remẽ, Janejare'e napemoe'e'ãi ãmẽ. Ajawyi pe'ĩte tapemoe'e penõvijã rõmõ. Janejare'e tè a'e, e'i Jesu poromo'e.

Ikewarà epy wete mã'ẽ napeporu katui remẽ, Janejare'e remime'ẽ ve napeporu kuwa'ãi, ãwisõ a'e ywesõ epy wete mã'ẽ vo 'ejẽ remẽ, e'i Jesu. Ãmõ kõ moma'e kõ rè napemãrãte katui ereko remẽ, ava jẽ rõwã moma'e e'ekweray kõ ome'ẽtà peupe ãmẽ? e'i.

E'i ãmẽ tãmõ Aparão raywerà ijupe: “Niĩ. Rasaru opoera sõ oo remẽ, noerovija'ãi kupa. Emã'ẽ! Tãmõ Moisesi remikusiwarerà noerovijai kupa! Janejare'e ayvu mojenuarà kõ remikusiwarerà ve noerovijai kupa! Ajawyi omãnõ maekwerà mõ ve ywete opoera sõ remẽ, omome'u kuwa ipetà apijarà pè. Noerovija'ãi kupa ajamã'ẽ. Noity'ãi waiwererà kupa”, e'i, e'i Jesu. [Kee jaa tè aepo e'i mã'ẽ: “Kãramõ apoera remẽ, nererovija'ãi pekupa!” jaa tè aepo e'i Jesu.]

E'i jẽ Jesu: – Kwaima'e mõ sõ werekwarà wyi opoi teywete sõ remẽ. Ajaire wereko ipetà ãmõ wãivĩ. A'evo mã'ẽ pè Janejare'e, “Ojimomy'a mã'ẽ tè ãwĩ”, e'i kõrijõtà ãmẽ, omojaiwe tesõ werekwarà ity rewarà mõ. Aepo e'i teve kwaima'e mõ pè, wãivĩ temimomoikwerà wereko remẽ, e'i Jesu.