Versículos más leídos de la Biblia Ioni 6

Compartir

Ka Iesu vonei, ivona, “Yauke taua yawai an' aniani. Wayahina, aituhu aviyaivia iomo wayahiua, eha aitam tuta am inavovo, kadu aituhu aviyaivia ivitumahaneu, eha aitam tuta magai n'‑ayaya.

Yaubada Nuana Ahihinata, tauna a heta‑ohota yawai iuna. Ka tomotau yai bagibagi eha aitam aviani. Ka yau vonaia avaha avonemi, ka vonaia vivane Yaubada Nuana, kadu vonaia vivane yawai‑hoina.

Eha nau‑wawanimi aniani na‑nau‑kunukunu wayahina upaipaisewa, kate nau‑wawanimi upaipaisewa aniani ma'‑vavaha wayahina. Apaina yauke, Tauna Vi‑tomotau, aniani ma'‑vavaha avenemi. Ika, Yaubada, Amau, vi‑nua‑dadaneu, ka tauna ya vi‑nua‑dadana tanoi a pai ainana veneu.”

Yauke Tauna Vi‑tomotau. Ka aituhu aviyaivia idueyeu, ivitumahaneu, akanai taui habuhabui yawai‑vavaha ivaniahei. Ka yauke, auyewa pai nau‑yehata wayahina, anigea asi‑vi‑mini‑neiei. Ka Amau ya nuanua aitamoata deina.”

Ka Iesu vonei, ivona, “Yaubada vi‑tuneu, kadu tauna ya nuanua uvitumahaneu.”

Aituhu aviyaivia Amau na‑veneu, apaina taui wayahiua in'‑omo, kadu eha aitam wayahia atana‑wavini.

Akaka Simoni Pita Iesu vona‑nau‑patei, ivona, “Kauvea, koiaka wayahina an'‑omo? Iuna wamke am heta wayahima yawai‑vavaha ana vona mamaei.

Yauke yawai an' aniani, ka wahuma aopu‑me. Ka aituhu aviyaivia aniani taina in'‑ania, akanai taui yawai eha na‑iakwa, kate ima'‑vavaha. Ka aninina avenemi vivane viou. Iuna yauke viou awaehei tau ma' tanopi habuhabumi yawaimi wayahi.”

Iuna, Amau tauna vi‑tuneu, ka aituhu aviyaivia wayahiua iomomo, akanai taui iomomo iuna tauna taitaini. Ka auyewa pai nau‑yehata wayahina yauke taui habuhabui anigea asi‑vi‑mini‑havinei. Ka aituhu aviyaivia Amau eha taitaini, taui eha wayahiua in'‑omo.

Iuna, aitam onoto avaha opu‑me tanopia, ka tauna anini‑hoina Yaubada wayahina, ka kadu tomotau yawai‑hoina venevenei.”

Iuna yauke yawai an' anini‑hoina.

Ka Iesu palauana epei, e Yaubada wayahina nau‑kaiwa wayahi, ka munina palauana vi‑habu‑vaine. Ka tomotaui imanuena vo‑patai. Ka kadu iana ainuai wayahia dewei deina. Ka yoko‑naia habuhabui iam‑iaua. Ka avaha habuhabui iam‑iaua, Iesu tauna a tau vi‑muni‑waiwai vonei, ivona, “Palaua‑naia iam‑tenei ukwakwei. Eha ai iam‑tenei umudamudani.”

Ka iyaneyane, ka avaha tupwana enoma ine, 5 o kadi 6 kilomita V deina, ka Iesu navu hetana omomo yai wa' nepena idueyei. Ka tutana idueyei, e habuhabui yaui inovo ananina. Wayahina, Iesu vonei, “Eha umatamatauta, yauke taua.”