Versículos más leídos de la Biblia Mattiu 5

Compartir

Ale avan ideh asike epigau nam̃ial, riŋi pipit nǝhad. Aoa! Eriŋi a mǝhat hǝn b̃em̃ias galit p̃isi lototoh len naim. Tomaienan, nam̃ial samit tem̃ial m̃os nǝvanuan p̃isi hǝn lǝb̃eris navoian mǝttogolgole, ale sal suh nǝyalyalan seTǝmamit len nǝmav.

“Gamit mǝtohum nam̃ial m̃os navile a pan. Nab̃iltivile topat mǝhat len naṽehuh edǝdas b̃esusuah. Nǝvanuan p̃isi lolǝboi lǝb̃erisi.

Alat nǝlolit tomasil, lotolǝŋon aGot sǝb̃on ŋai, navoian siGot igol gagai lukab hǝni, husur dereh leris aGot balai.

Alat lotomalkǝkat, lotomaduh hǝn nanoran, navoian siGot igol gagai lukab hǝni, husur dereh lihanukub.

Avil nukel mai gamit ke, mǝtelǝmas bun aenemi samit gail, ale alat lotomǝdas bun gamit hǝn mǝtb̃elǝŋon b̃isa vǝsa, mitisor tuṽ m̃os galito.

“Alat lotolǝboi len nǝlolito ke lotopar Got, be lotolǝŋoni, navoian siGot igol gagai lukab hǝni, husur natohan pipihabǝlan aGot len nǝmav evi salito.

Alat lotogol nanoŋan hǝn nǝb̃alan gail, lotogol natǝm̃at, navoian siGot igol gagai lukab hǝni, husur dereh aGot tekis galit hǝn anatun gail.

Alat lototaŋ, navoian siGot igol gagai lukab hǝni, husur dereh lelǝŋon tivoi am len nǝlolito.

Alat, nǝvanuan gail lotomǝdas bun galito sil lotogol nǝsa tonor, navoian siGot igol gagai lukab hǝni, husur natohan pipihabǝlan aGot len nǝmav evi salito.

Alat nǝlolit totaŋis avan ideh, lotovi tarhǝt san, navoian siGot igol gagai lukab hǝni, husur dereh aGot tilolosa hǝn galit balai.

“Nǝboŋ nǝvanuan gail lǝb̃isor viles gamit vǝsa, lǝb̃emǝdas bun gamit gol ke mǝtb̃elǝŋon b̃isa vǝsa, lǝb̃elibliboŋ ke mǝttogol nǝsaan tiltile sil mǝttovi esagw, navoian siGot igol mǝtukab hǝni. Len naṽide tomaienan lomǝdas tabtab hǝn ahai kelkel ur gail ta m̃o. Mitikemkem, mǝtehǝhaṽur husur aGot ikad nakonp̃urp̃uran totibau m̃os gamit len nǝmav.”

Alat nǝlolit tomǝdau, navoian siGot igol gagai lukab hǝni, husur aGot teviol hǝn navile a pan mai galito.

AYesu isor kǝta ke, “Gamit mǝtohum nǝtas m̃os navile a pan. Be nabus hǝn nǝtas b̃imasig hǝn b̃edub̃e, tegǝm vi tas tǝtas am mabe? Savoi hǝn natideh am. Ivoi ŋai hǝn lǝb̃ibar hǝni len tan hǝn nǝvanuan gail lǝb̃ipal gati.

Imaienan, gamit m̃au mitimasnor kavkav hum aTǝmamit len nǝmav tonor kavkav.”

Len nǝsa gotokele, ‘Evoi’ sam̃ timasvi ‘Evoi’ ŋai, ‘Aoa’ sam̃ timasvi ‘Aoa’ ŋai. Nasoran ideh am egǝm len atenan tosa vǝsa masuṽ tovi tǝmat.

“Mǝtosǝsǝloŋ tia hǝn nǝsa aGot tokele ke, ‘Gǝb̃igol namǝtan o nariṽon avan ideh b̃imasig, namǝtam̃ o nariṽom̃ timasmasig.’ Avil nukel mai gamit ke, samtesisil hǝn avan ideh togol tosa hǝn gamito, be avan ideh b̃iṽos nǝtarhom̃ nǝmatu, pair hǝn nǝtarhǝte van hǝni.

Namǝtam̃ nǝmatu b̃igol gaiug gǝb̃igol nǝsaan, kis kuvi, bar hǝni. Nahudhubem̃ b̃eb̃uer enan esǝhor lǝb̃ibar hǝn nibem̃ kavkav len nǝhab nǝmatan. Navǝlam̃ nǝmatu b̃igol gaiug gǝb̃igol nǝsaan, ta kotovi, bar hǝni. Nahudhubem̃ b̃eb̃uer enan esǝhor nibem̃ kavkav b̃evi lan nǝhab nǝmatan.