Versículos más leídos de la Biblia Yohana 6

Compartir

Yéésù bàà bə̀: «Máára mə́ kùmsə̀n bə̀rɛ́d aa tə́ gɔ̀ŋsə́ aa bɛ́d bə gá rə piìn doó. Màn aa yaà máá səǹ də, kìì gulùm gá, bít màn aa bàg mə́ rə kɔ̀, kìì wəlsúud gá sə́g sə́g.

Nɛ́ŋə̀ kə̀ yíl oò bə̀ gə́, bán in nə́ŋ̀má ma'ǹmbə̀ gá. Vɛnɛ́b Nwul pii sə̀n gɔ̀ŋsá. Nwɔŋ bəraa mə́ bààiyà, vúgə́là Nwul Gìdńnú rə, boò ra bə̀ pii sə̀n gɔ̀ŋsá.

Íí dá tù' ma'ǹ gə́, ìì mà' inlíìnmbə̀ aa yɛɛ̀l dá dugǹ də bə̀ sí, zá ìì mà' inlíìnmbə̀ aa dá kuùm zèd kə̀ zèd, bít dá gɔ̀ŋsə́ aa bɛ́d bə gá rə piìn də bìá. Inlíìnmbə̀ aarə, nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə, dá ii sə̀n piinàá. Kàandə, Báá Vɛnɛ́b gə́, mà'ù tampon bərə, bɔbm̀ i'ǹmbə̀ oò tə́ kə̀ pɛ̀sá.»

Èè, ìì zɛ̀ŋ in aa Báá mə́ í' roó' Nɛ́b bəraa bé' Wàà oòra, bít bə̀ bàgə̀ rə gə́ kóólé, boò bɔ̀b gɔ̀ŋsə́ aa bɛ́d bə gá roó. Bít máà díím bə̀ kíìn valú, máà pii bə̀ gɔ̀ŋsə́, nyàm aa Vɛnɛ́b dá nɛ́b bəd fágǹ bərə ba.»

Yéésù kè' í' bə̀, bàà: «Tùsaa Vɛnɛ́b tə́ nwáàn ìì mà' rə, ìì bàg nɛ́ŋə̀ aa tùmà roó.»

Nɛ́b bəraa Báá mə́ pii mə́ rə kóólé, bə̀ dáà yaànà máá sunú; máá kɔ̀, màn aa yaà máá səǹ də gə́ kóólé, nìŋ mə́ lɛ́'ù gbaarú gá.

Simon Piyɛr kè' í'ù: «Báátììkpɛ̀ŋá, bá dáàn nɛ́ɛ̀réè səǹ sɔ̀ŋì? Ámda ń tə́ sə̀n kə̀ nwɔŋ bəraa pii sáá gɔ̀ŋsə́ aa bɛ́d bə gá rə naú.

Máára mə́ kùmsə̀n bə̀rɛ́d aa tə́ gɔ̀ŋsə́ piìn, vúgà Vɛnɛ́b yiìl loó. Nɛ́ŋə̀ aa líí bə̀rɛ́d aarə, dá kuùm kə̀ gɔ̀ŋsá, zèd kə̀ zèrá. Bə̀rɛ́d aa máá ii piìn də, kùmsə̀n gɔ̀g lúgúd mə́ra. Má gɔ̀g lúgúd mə́ piinàá, bɔ̀b nɛ́b bəraa zɔ̀ŋə yɛ́b bərə, boò bɔ̀b kə̀ gɔ̀ŋsá.»

Kóó nɛ́ŋə̀ nə́ŋ̀má bánà yaànmbə̀ máá səǹ gá, Báá mə́ aa tùm máà rə, dɛ̀d ààùwà sə̀n síngə́ roó. Bít máá kɔ̀, máù díìm valú, máù gɔ̀ŋsə́ piìn, nyàm aa Vɛnɛ́b dá nɛ́b bəd fágǹ bərə ba.

Kə̀ aakíin də, bə̀rɛ́d aa Vɛnɛ́b pii rə, taà kùmsə̀n aa símà lɛgə́ poú, bít pii nɛ́b bəd gɔ̀ŋsə́ zɔ̀ŋə yɛ́b bəroó.»

Máára mə́ kùmsə̀n bə̀rɛ́d aa tə́ gɔ̀ŋsə́ aa bɛ́d bə gá rə piìn doó.

Yéésù pà' bə̀rɛ́d bəd gə́, mɔ̀' Vɛnɛ́bá, bít gààm nɛ́b bəraa kùm wərə̀ roó. Bít pii bə̀ díb kɔ̀ kàani, kə̀ nɛɛ̀n aa bə̀ í' rú rə kíin. Zɔ̀ŋ aa nɛ́b bəd kóólé líí bə̀ wùb bəd yée gə́, Yéésù bàà nɛ́b sáànmbə̀ oò bəd: «Pú' ìì wál welké bəraa nyɛ́d də kúnú, bɔ̀b kóó in nə́ŋ̀má oò bɔ̀b sí.»

Bə̀ sàb kə̀ə̀d, bə̀ ɛ̀m zɔ̀ŋ bùúrá, mà'ì kìínmbə̀ kílomɛ́tà núnà, sínkɔ̀ nɔ̀ŋgɔ̀s kíin. Sɛŋ də, bə̀ bé' taà Yéésù ɛ̀m tóò taà gbadǹnà boò səǹ kə̀ə̀d ba, wəl yílú. Bít bə̀ bé' kàangə́, də́dǹ mà' bə̀ yàá. Zá Yéésù bàà bə̀: «Aarə máára, ìì nùù də́dǹ sí!»