Versículos más leídos de la Biblia ᒉᓂᓯᔅ 6

Compartir

ᑳᑎᐯᒋᑫᒡ ᑕᔥ ᑮᒥᒋᓇᐌᓯ ᐁᑮ ᐅᔑᐋᒡ ᐃᓂᓂᐗᓐ ᐅᐅᒫ ᐊᑮᕽ, ᐁᑮ ᒫᓀᑕᕽ ᐅᑌᐃᕽ᙮

ᑳᑎᐯᒋᑫᒡ ᓴ ᐅᑮ ᐙᐸᑖᓐ ᐋᓃᓐ ᑳᐊᐲᒋ ᒪᒋᐃᔑᐌᐱᓯᓂᒡ ᐯᒫᑎᓯᓂᒡ ᐅᐅᒫ ᐊᑮᕽ, ᐅᑮ ᐙᐸᑖᓐ ᑲᔦ ᑲᑳᒋᒡ ᐁᓂᑖ ᐃᓀᑕᒥᓂᒡ ᐅᑌᐃᓃᕽ, ᒨᔕᒃ ᐁᑮ ᒪᒋᓈᓈᑲᑕᐌᑕᒥᓂᒡ᙮

ᐯᔑᒃ ᑕᔥ ᐃᓂᓂ ᓅᐗ Noah ᑳᑮ ᐃᔑᓂᑳᓱᒡ, ᑭᔐᒪᓂᑑᓐ ᐅᑮ ᒥᓍᐸᒥᑰᓐ᙮

ᒦᑕᔥ ᐅᐅ ᓇᑫ ᐁᔑ ᑕᔑᓱᒡ ᐊᐊ ᓅᐗ Noah ᙮ ᐋᐱᒋ ᓴ ᑮᑾᔭᒀᑎᓯ, ᑳᐐᓐ ᐊᐙᒡ ᐸᑮ ᑫᑰᓐ ᑮᐃᔑ ᐊᓈᒣᑖᑯᓯᓰ ᐃᐃᒫ ᑳᑮ ᐅᑕᑳᓀᓯᒡ᙮ ᓅᐗ ᑲᔦ ᐅᑮ ᐐᒋ ᐱᒧᓭᒫᓐ ᑭᔐᒪᓂᑑᓐ᙮

ᑳᑎᐯᒋᑫᒡ ᑕᔥ ᑮᐃᑭᑐ, ᐃᑕᐙ ᓂᑲ ᓂᔑᐗᓈᒋᐋ ᐊᐊ ᐃᓂᓂ ᑳᑮ ᐅᔑᐊᒃ ᐅᐅᒫ ᐊᑮᕽ᙮ ᐃᓂᓂᐗᒃ, ᐊᔭᐋᐎᔕᒃ ᑲᔦ ᑳᐸᐹᒨᑌᐙᒡ, ᐱᓀᔒᔕᒃ ᑲᔦ ᑳᐸᐹᒥᓭᐙᒡ; ᓂᒥᒋᓇᐌᔅ ᐁᑮ ᐅᔑᐊᒀ᙮

ᐊᐲ ᑕᔥ ᑮᓂ ᐹᑏᓄᐙᒡ ᐯᒫᑎᓯᐙᒡ ᐅᐅᒫ ᐊᑮᕽ, ᐅᑖᓂᓯᐙᐞ ᓴ ᑮᐊᓂ ᓂᑖᐎᑭᐗᐞ᙮ ᐃᑭ ᑕᔥ ᐅᑯᓯᓯᒫᒃ ᑮᔑᑯᕽ ᑳᑮ ᐅᒌᐙᒡ ᐅᑮ ᐙᐸᒫᐙᐞ ᐁᒥᓄᓈᑯᓯᓂᒡ ᐃᐃ ᐅᑖᓂᓯᒫᐞ᙮ ᒦᑕᔥ ᑳᐃᔑ ᐅᑖᐱᓇᒫᓱᐙᒡ ᐐᓇᐙ ᐱᑯ ᐁᑮ ᐅᓀᓂᒫᐙᒡ ᐊᐌᓀᓇᐞ ᐙᐐᐎᐙᒡ᙮ ᑳᑎᐯᒋᑫᒡ ᑕᔥ ᑮᐃᑭᑐ, ᓂᑕᒑᒃ ᓴ ᑳᐐᓐ ᓀᐱᒡ ᐅᑲ ᐐᒋ ᐊᔮᒫᓰᓐ ᐯᒫᑎᓯᓂᒡ, ᐋᓃᔥ ᐊᒋᓇ ᐁᑕ ᑕᐱᒫᑎᓯ, ᓅᑯᒻ ᑕᒫᒋᓭ ᓂᑯᑣᒃ ᓃᔥᑕᓇ 120 ᑕᓱ ᐱᐴᓐ ᐁᑕ ᑕᐱᒫᑎᓯ᙮ ᐃᑭ ᑕᔥ ᐅᑯᓯᓯᒫᒃ ᑳᑮ ᐅᒌᐙᒡ ᑮᔑᑯᕽ ᑮᐐᒌᐙᐙᒡ ᐃᑴᐗᐞ ᐅᐅᒫ ᐊᑮᕽ ᑳᑮ ᐅᒌᓂᒡ, ᐅᑮ ᓂᑖᐎᑭᐋᐙᐞ ᒥᓵᐯᐞ᙮ ᒦᑕᔥ ᑳᑮ ᐅᒋ ᐊᔮᐙᒡ ᒥᓵᐯᒃ ᐃᐃ ᐊᐲ᙮ ᐋᐱᒋ ᑕᔥ ᑮᓲᑫᑖᑯᓯᐗᒃ ᐃᑭ ᒥᓵᐯᒃ, ᒥᓯᐌ ᑲᔦ ᑮᓅᑖᑳᓂᐎᐗᒃ᙮

ᓅᐗ ᑕᔥ ᑮᐃᔑᒋᑫ ᑲᑭᓇ ᑫᑰᓂᓂ ᑳᑮ ᐃᔑ ᐊᓅᓂᑯᒡ ᑭᔐᒪᓂᑑᓐ᙮

ᑭᔐᒪᓂᑑ ᑕᔥ ᐅᑮᐃᓈᓐ ᓅᐗᐗᓐ, ᐋᔕ ᓂᑮ ᑮᔐᑖᓐ ᐁᐐ ᓂᔑᐗᓈᒋᐊᒀ ᑲᑭᓇ ᐯᒫᑎᓯᐙᒡ᙮ ᐗᐐᑫ ᓂᐐ ᑕᑯ ᓂᔑᐗᓈᒋᐋᒃ ᓂᔑᐗᓈᒋᑖᐗᒃ ᐅᐅ ᐊᑮᓂ, ᐋᓃᔥ ᒥᓯᐌ ᐅᒫᓇᑲᒥᑭᓯᐎᓂᐙᓐ ᐊᔮᓂ ᐅᐅᒫ ᐊᑮᕽ᙮

ᑮᓐ ᑕᔥ ᐅᔑᑑᓐ ᑭᒋ ᒌᒫᓐ, ᒥᑎᑰᒃ ᑳᓲᑭᑭᓯᐙᒡ ᐋᐸᒋᐞ᙮ ᐃᔑᑑᑲᓐ ᓴ ᒋᐸᐸᑫᔮᒃ ᐃᐃ ᑭᒋ ᒌᒫᓐ᙮ ᐱᑭᐤ ᑲᔦ ᐋᐸᒋᐞ ᐲᑑᓇᒃ, ᓵᑭᑑᓇᒃ ᑲᔦ᙮

ᑭᔐᒪᓂᑑ ᐅᑮ ᐙᐸᑖᓐ ᐱᔑᔑᒃ ᓂᔑᐗᓈᑕᑲᒥᑭᓯᐎᓐ ᐁᐊᔮᒪᑲᓂᓂᒃ ᐅᐅᒫ ᐊᑮᕽ᙮ ᐋᓃᔥ ᑲᑭᓇ ᐯᒫᑎᓯᐙᒡ ᑮᐸᐹ ᓂᔑᐗᓈᑕᑲᒥᑭᓯᐗᒃ ᐅᐅᒫ ᐊᑮᕽ᙮

ᓀᓃᔑᓐ ᓴ ᐁᑕᓶᐙᓇᑭᓯᐙᒡ ᐊᔭᐋᐎᔕᒃ ᑭᑲ ᐴᓯᐋᒃ ᐃᐃᒫ ᑭᒋ ᒌᒫᓂᕽ᙮ ᐊᔮᐯ, ᔑᑾ ᓅᔐᔭᐋ ᑫᐐᓇᐙ ᒋᐱᒫᑎᓯᐙᒡ᙮