Lacid Bible © Bible Society of Myanmar, 2009. Recording of Lacid New Testament ℗ 2017 Hosanna

Lacid - BSM Version (NT) Non Drama

Lacid - BSM Version (NT) Drama

<div class="version vid390 iso6393lsi" data-vid="390" data-iso6393="lsi">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s">Bouggung Tho' Moo kho" Kyo" da" Mungdang:</div><div class="p"> 1Akhid" byu ajoem atung: ri shau" myang lang" Hau: bouggung tho' khyoo: nyang: do, loo" bye. Bouggung tho' moo lo" zhung: jo, ri nya: cangzoo: yi zeing: lo boem lho: wigi 2Nyang: dang: phang lho: nyangnu" ri ngilho' wa da" Tarha" kho" kyo" da" zigi</div><div class="s">Jo da" Ngilho' Khyoo:</div><div class="r">(Luk 6:20-23)</div><div class="q1"> 3&#171;Venyi: moo asho" ajhen: nghoid nyid mo, gi ngilho' boem wa.</div><div class="q2">Khasu" wim gari Mougkhung: da" mungdain: gi nyangnu" shau" seing: boem wa zi nghoid.</div><div class="q1"> 4&#171;Koug shu: shau" mo, gi ngilho' boem wa Khasu" wim gari Mangsoo nyanu" nyang: ri nheig teing byid: zi shau" boem wa.</div><div class="q1"> 5&#171;Nheugloem: nu" nham' mo, gi ngilho' boem wa. Khasu" wim gari nyanu" nyang: gi</div><div class="q2">Mangso dang: theing to" da" mainkaid jeju" yo" yu boem wa zi nghoid.</div><div class="q1"> 6&#171;Mangsoo vho: da" khyoo: ri vho: ngei nyid mo, gi ngilho' boem wa.</div><div class="q2">Khasu" wim gari nyanu" nyang: vho: da" khyoo: ri we' Mangsoo wigi jhoeb pyeing byid: wa zi nghoid.</div><div class="q1"> 7&#171;Subi" ri nheing se' khyeig mo, gi ngilho' boem wa. Khasu" wim gari</div><div class="q2">nyanu" nyang: ri Mangsoo nheig khyeig zi doem shau" boem wa.</div><div class="q1"> 8&#171;Nheugloem: yung" mo, gi ngilho' boem wa. Khasu" wim gari</div><div class="q1">nyanu" nyang: gi Mangsoo ri shau" myang boem wa.</div><div class="q1"> 9&#171;Shangei shapyoo: si' mo, gi ngilho' boem wa. Khasu" wim gari nyanu" nyang: ri</div><div class="q2">Mangso da" nya: zoo: ga: myheing: byid: boem wa.</div><div class="q1"> 10&#171;Mangso da" deung main" khyoo: cang yoomo pyi: sho: dam kaid zi shau" nyid mo, gi ngilho' boem wa.</div><div class="q2">khasu" wim gari Mougkhung: mungdain: ri nyanu" nyang: shau" seing: boem wa.</div><div class="p"> 11&#171;Nga" da" khyoo: yoomo subi" nanu" ri juang" yi lho: yooboo aja: ja: foin: to" uri nanu" gi ngilho' bye. Nanu" da" shid mo Lapi: yi ri we' nyangnu" houg: su" shen" yhen boem ziyo' mhau' fain" khyo" cang lho: xang: shid" mo lapi: yi ri we' houg: yo" dakhyoo" ti" pyi: sho: boem bye. 12Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.</div><div class="b"></div><div class="s">Xoo" Yo' Boo" Bang Dangtu'</div><div class="r">(Mar 9:50; Luk 14:34,35)</div><div class="p"> 13&#171;Nanu" gi mougmyid da" xoo" yo' du ago"- hau: xoo" phue: lo" byug rigi kha: mo doem se' ngham" loo wa lha". Nghi: khyoo: she: pyam to" lho: subi" nang: pye" pyam tho' moo gootu: ce" akyu" we' aboo loo.</div><div class="p"> 14&#171;Nanu" gi mougmyid bidbang yo' du ago"- boem tho' moo tam: to" da" voogung ri ce: zewe' ayo" go too. 15Myibung: ri tab' lho: lain" wigi hang" azhung" lhung to" yu"- myibung: ki" jang: moo ke" to" rigi dayhoem: goin" mo, myo, yo" myang. 16Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".</div><div class="s">Toung: To" Da" Tarha" Jhoug" Byid: Da" Khyoo:</div><div class="p"> 17&#171;Moshe toung: to" da" tarha" yo' Lapi: yi da" dang: ri ngoo phyo' pyam wa yhangti" amyid wim goo"- phyo' pyam wa shid re" anghoid hau: ziri joeb pyeing wa ein: ngoo dare. 18Nanu" ri ngoo deung" deung tid ba- Mougkhung: yo' myidjang: abyo, loo" shi" ri hau: zi abui" bui" gi hau: toung: to" da" Tarha" mo dang: myhi' dakhoin" yo' dang: khyoo: dakhoin" we' yo" led loo" wa zi anghoid. 19Houg: su" yoomo hang" nghoid loug we' houg: mo nge da" Tarha" dakhoin" ri cang lho: Subi" ri we' yo" cang sho' jhoug" byid: mo, gi Mougkhung: mungdain: moo gyi: thang mo, ein: boem wa. 20Khasu" wim gari ngoo nanu" ri tid da" zigi nanu" da" deung byeung" khyoo: ri toung: to" da" tarha" ri jhoug" byid: da" sara: yi yo' Pharishe yi da" deung byeung" tho' moo aje gyi: rigi Mougkhung: mungdain: moo nanu" deung" deung ayo" vang lo" boem wa.</div><div class="s">Nheig Age Yoo: Go" Da" Khyoo:</div><div class="p"> 21&#171;Nanu" byu ge said wa zi anghoid. Byu said su: gi yung" moo yooboo byid: moin: yi" ga: goonham mo, ri tid to" zigi nanu" shau" gyo: yu" boem bye. 22Ngoo nanu" ri tid da" zigi nya: mang: nya: nhung" ri nheig yoo: su: hang" nghoid loug we' yooboo byid: wa zi moin: yi" nyid bye. Nya: mang: nya: nhung" ri yooboo hoeb' ga: tid su: we' hau: ludaid phung: mo dang: khoo' gi" bye. Hau: lho: koo" dau: he: zi ga: tid su: gi ngarai" myi: yo' moin: yi" nyid bye. 23Houg: su" lho: hau: Mangso da" phoin: tho' hkyoo:- re" da" xoin" jhung: shug ci: yhe: lo" nghoid rigi re" mang: re" nhung" nang ri yooboo foin: jang: daja: ja: myid boin: lo nghoid rigi 24Mangso da" phoin: nam moo re" da" xoin" ri too" kho' lho: re" mang: re" nhung" yo' shi" lo" sham: veing" goo" ge'. houg: su" bain koid' lho: re" da" xoin" ri Mangso da" phoin: tho' moo ki" we'.</div><div class="p"> 25&#171;Nang ri jhen: dab goo" su: yo' dage" ayo, yoo" shi" uri myab myab sham: veing" goo" ge'. houg: su" anghoid ri jhen: boo su: gi nang ri tarha" agyi yung" moo ab pyam' ri" wa. Tarha" agyi gi nang ri dang: kho' da" ludaid' yi da" lo, moo ab pyam' wa nghoid wigi nang ri thung: khyo' pyam' zi shau" wa. 26Nanu" ri ngoo deung" deung tid da" zigi Ngei jhen: bain sho' nang axab' xab' gi houg: mo nang yo" loid lo" wa zi anghoid.</div><div class="s">Sube" Myi: Age Lhoid Da" Khyoo:</div><div class="p"> 27&#171;Sube" myi: age lhoid' ga: zigi nanu" shau" gyo: yu" boem bye. 28Ngoo nanu" ri tid zigi nheigloem: moo yu" ngei ziyo'- myiyi: zoo: ri yu" yu" lho: vho: da" nheigloem: boo su: gi nya: da" nheigloem: khoug: moo hau: da" myiyi: zoo: yo' myi: lhoid' da" moo" zei bye. 29Houg: su" nghoid yoomo re" lo, yo' myojid" nang ri yu" shoid nhang: nghoid rigi hau: myojid" ri kyung" thoid pyam' we' re" da" gung goin" ngarai" mung" moo gyoo" lo" tho' moo re" gung daja: te: yoin" zigi je ge nyid. 30Re" da" lo, yo lo, nang ri shoid' nhang: nghoid rigi hau: lo, ri jab khyo' pyam' we' gung goin" ngarai mung" moo gyoo" loo" wa tho' moo re" gung daja: te: yoin" wa zi gi je ge nyid.</div><div class="s">Myi: Yo' Lang Age Gang: Go" Khyoo:</div><div class="r">(Mat 19:9; Mar 10:11,12; Luk 16:18)</div><div class="p"> 31&#171;Houg: za: we' anghoid- re" yhoem: seing: myhi' ri kang" pyam' nau ri nyang: ri kang" kaid' da" mougsoug" byid: we' ga: dang: jo, bye. 32Nghoidloug ngoo nanu" ri tid da" zigi lang lhoid yoomo za: anghoid rigi nya: myi: ri kang" pyam' su: gi nyang: ri lang lhoid nhang: kaid zi nghoid. Houg: kang" pyam' da" myiyi: ri loxo' yu su: we' sube" myi: lhoid' da" yooboo yoo" bye.</div><div class="s">Jham' Age Tang: Age Nheing" Da" Khyoo:</div><div class="p"> 33&#171;Nang mhau' lho: jham' age tang:- nang nheung" da" dang: gi hau: Aseing wigi nang nyang: ri zang" loo nhang: wa ga: goo" nham' mo, ri tid to" zi nanu" shau" gyoo: yu" goo" wam: bye. 34Ngoo nanu" ri tid da" zigi nanu" ce" ja: moo" moo we' nheing" go"- jham tang: go" da" khyoo: akoid: goo. Mougkhung: myeing we' yo" yu zi anghoid. Houg: gi Mangso da" zhung: tang nghoid. 35Myidjang: myeing yu lho: we' jham' age tang:- houg: gi Mangso da" khyid: theing jang: nghoid. Yerusalem voogung ri we' anghoid. Houg: gi khokham" zeing da" zhung: tang nghoid. 36Re" da" vhuloem moo we' jham' age tang:- re" da" xam: dakhaid ri lang" phyu: we' no, we' ga: nang yo" koid: zi anghoid. 37Re" da" dang: gi &#171;nghoid&#187; ga: lang" gi nghoid bye anghoid ga: lang" gi anghoid baja". Hau: tho' mo jain" tid da" dang: gi hau: age su: yo' dasen: nyid.</div><div class="s">Ge Zi Wigi Age Ziri: Oung: Loo" Ca" Da" Khyoo:</div><div class="r">(Luk 6:29,30)</div><div class="p"> 38&#171;&#8249;Myo, dajid" moo dajid"- zei dakhaid moo dakhaid- doem tau" byid: ca"&#8250; ga: da" dang: ri nanu" shau" gyo: yu" boem bye. 39Nghoidloug ngoo nanu" ri tid da" zigi akhyeing" su: ri ce" latoo: we' aphug goo"- re" lo, yo shoid' bopyug pyug byid: su:- ri dashoid' we' doem kham: byid: shi" we' 40Nang ri dang: khoo' lho: wigi re" da" akhau: byi: yu pyam' byid: su: ri re" da" adang byi: we' khyoid' byid: shi" we' 41Nang ri doin: zeig nau wigi khyoo damain: yhi: nhang: su: yo' dage" khyoo: eig main: cang yhi: shi" we'. 42Mho' su: ri byid: we' re" jang" mo daja: ja: jhid" nghoo" noug su: ri we' ahe: pyam.</div><div class="s">Nyang: Nya: Da" Gyivoo Ri: Jheddab' Ca" Da" Khyoo:</div><div class="r">(Luk 6:27,28,32-36)</div><div class="p"> 43&#171;&#8249;Re" byumyu" ri te: jheddab lho: re" gyivoo yi rigi anoug angei koid we'&#8250; ga: da" dang: gi nanu" shau" gyoo: goo" wam: bye. 44Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'. 45Houg: su" nghoid ri za: Mougkhung: tho' moo nyid da" phoo Mangso da" nya: myid: nya: zoo: yi gi nanu" yo" bui" wa zi nghoid. Khasu" wim gari agi mo, yo" gi mo, da" tho' moo nya: bid ri thu' nhang: nyid wigi deung byeung" mo, yo" adeung byeung" mo, da" tho' moo moug: ri voo byid: nyid. 46Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la". 47Nanu" da" nya: mang: nya: nhoung" yo" za: shau" doem go" nghoid rigi ci: je nghoid cang boo goo" wa lha". Mangsoo ri asi shi" mo, we" houg: su" lhung koid: boem anghoid goo" la". 48Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.</div>
 </div>
 </div>
</div>

Akhid" byu ajoem atung: ri shau" myang lang" Hau: bouggung tho' khyoo: nyang: do, loo" bye. Bouggung tho' moo lo" zhung: jo, ri nya: cangzoo: yi zeing: lo boem lho: wigi Nyang: dang: phang lho: nyangnu" ri ngilho' wa da" Tarha" kho" kyo" da" zigi


«Venyi: moo asho" ajhen: nghoid nyid mo, gi ngilho' boem wa.
Khasu" wim gari Mougkhung: da" mungdain: gi nyangnu" shau" seing: boem wa zi nghoid.
«Koug shu: shau" mo, gi ngilho' boem wa Khasu" wim gari Mangsoo nyanu" nyang: ri nheig teing byid: zi shau" boem wa.
«Nheugloem: nu" nham' mo, gi ngilho' boem wa. Khasu" wim gari nyanu" nyang: gi
Mangso dang: theing to" da" mainkaid jeju" yo" yu boem wa zi nghoid.
«Mangsoo vho: da" khyoo: ri vho: ngei nyid mo, gi ngilho' boem wa.
Khasu" wim gari nyanu" nyang: vho: da" khyoo: ri we' Mangsoo wigi jhoeb pyeing byid: wa zi nghoid.
«Subi" ri nheing se' khyeig mo, gi ngilho' boem wa. Khasu" wim gari
nyanu" nyang: ri Mangsoo nheig khyeig zi doem shau" boem wa.
«Nheugloem: yung" mo, gi ngilho' boem wa. Khasu" wim gari
nyanu" nyang: gi Mangsoo ri shau" myang boem wa.
«Shangei shapyoo: si' mo, gi ngilho' boem wa. Khasu" wim gari nyanu" nyang: ri
Mangso da" nya: zoo: ga: myheing: byid: boem wa.
«Mangso da" deung main" khyoo: cang yoomo pyi: sho: dam kaid zi shau" nyid mo, gi ngilho' boem wa.
khasu" wim gari Mougkhung: mungdain: ri nyanu" nyang: shau" seing: boem wa.
«Nga" da" khyoo: yoomo subi" nanu" ri juang" yi lho: yooboo aja: ja: foin: to" uri nanu" gi ngilho' bye. Nanu" da" shid mo Lapi: yi ri we' nyangnu" houg: su" shen" yhen boem ziyo' mhau' fain" khyo" cang lho: xang: shid" mo lapi: yi ri we' houg: yo" dakhyoo" ti" pyi: sho: boem bye. Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.



«Nanu" gi mougmyid da" xoo" yo' du ago"- hau: xoo" phue: lo" byug rigi kha: mo doem se' ngham" loo wa lha". Nghi: khyoo: she: pyam to" lho: subi" nang: pye" pyam tho' moo gootu: ce" akyu" we' aboo loo.
«Nanu" gi mougmyid bidbang yo' du ago"- boem tho' moo tam: to" da" voogung ri ce: zewe' ayo" go too. Myibung: ri tab' lho: lain" wigi hang" azhung" lhung to" yu"- myibung: ki" jang: moo ke" to" rigi dayhoem: goin" mo, myo, yo" myang. Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

«Moshe toung: to" da" tarha" yo' Lapi: yi da" dang: ri ngoo phyo' pyam wa yhangti" amyid wim goo"- phyo' pyam wa shid re" anghoid hau: ziri joeb pyeing wa ein: ngoo dare. Nanu" ri ngoo deung" deung tid ba- Mougkhung: yo' myidjang: abyo, loo" shi" ri hau: zi abui" bui" gi hau: toung: to" da" Tarha" mo dang: myhi' dakhoin" yo' dang: khyoo: dakhoin" we' yo" led loo" wa zi anghoid. Houg: su" yoomo hang" nghoid loug we' houg: mo nge da" Tarha" dakhoin" ri cang lho: Subi" ri we' yo" cang sho' jhoug" byid: mo, gi Mougkhung: mungdain: moo gyi: thang mo, ein: boem wa. Khasu" wim gari ngoo nanu" ri tid da" zigi nanu" da" deung byeung" khyoo: ri toung: to" da" tarha" ri jhoug" byid: da" sara: yi yo' Pharishe yi da" deung byeung" tho' moo aje gyi: rigi Mougkhung: mungdain: moo nanu" deung" deung ayo" vang lo" boem wa.

«Nanu" byu ge said wa zi anghoid. Byu said su: gi yung" moo yooboo byid: moin: yi" ga: goonham mo, ri tid to" zigi nanu" shau" gyo: yu" boem bye. Ngoo nanu" ri tid da" zigi nya: mang: nya: nhung" ri nheig yoo: su: hang" nghoid loug we' yooboo byid: wa zi moin: yi" nyid bye. Nya: mang: nya: nhung" ri yooboo hoeb' ga: tid su: we' hau: ludaid phung: mo dang: khoo' gi" bye. Hau: lho: koo" dau: he: zi ga: tid su: gi ngarai" myi: yo' moin: yi" nyid bye. Houg: su" lho: hau: Mangso da" phoin: tho' hkyoo:- re" da" xoin" jhung: shug ci: yhe: lo" nghoid rigi re" mang: re" nhung" nang ri yooboo foin: jang: daja: ja: myid boin: lo nghoid rigi Mangso da" phoin: nam moo re" da" xoin" ri too" kho' lho: re" mang: re" nhung" yo' shi" lo" sham: veing" goo" ge'. houg: su" bain koid' lho: re" da" xoin" ri Mangso da" phoin: tho' moo ki" we'.
«Nang ri jhen: dab goo" su: yo' dage" ayo, yoo" shi" uri myab myab sham: veing" goo" ge'. houg: su" anghoid ri jhen: boo su: gi nang ri tarha" agyi yung" moo ab pyam' ri" wa. Tarha" agyi gi nang ri dang: kho' da" ludaid' yi da" lo, moo ab pyam' wa nghoid wigi nang ri thung: khyo' pyam' zi shau" wa. Nanu" ri ngoo deung" deung tid da" zigi Ngei jhen: bain sho' nang axab' xab' gi houg: mo nang yo" loid lo" wa zi anghoid.

«Sube" myi: age lhoid' ga: zigi nanu" shau" gyo: yu" boem bye. Ngoo nanu" ri tid zigi nheigloem: moo yu" ngei ziyo'- myiyi: zoo: ri yu" yu" lho: vho: da" nheigloem: boo su: gi nya: da" nheigloem: khoug: moo hau: da" myiyi: zoo: yo' myi: lhoid' da" moo" zei bye. Houg: su" nghoid yoomo re" lo, yo' myojid" nang ri yu" shoid nhang: nghoid rigi hau: myojid" ri kyung" thoid pyam' we' re" da" gung goin" ngarai" mung" moo gyoo" lo" tho' moo re" gung daja: te: yoin" zigi je ge nyid. Re" da" lo, yo lo, nang ri shoid' nhang: nghoid rigi hau: lo, ri jab khyo' pyam' we' gung goin" ngarai mung" moo gyoo" loo" wa tho' moo re" gung daja: te: yoin" wa zi gi je ge nyid.


«Houg: za: we' anghoid- re" yhoem: seing: myhi' ri kang" pyam' nau ri nyang: ri kang" kaid' da" mougsoug" byid: we' ga: dang: jo, bye. Nghoidloug ngoo nanu" ri tid da" zigi lang lhoid yoomo za: anghoid rigi nya: myi: ri kang" pyam' su: gi nyang: ri lang lhoid nhang: kaid zi nghoid. Houg: kang" pyam' da" myiyi: ri loxo' yu su: we' sube" myi: lhoid' da" yooboo yoo" bye.

«Nang mhau' lho: jham' age tang:- nang nheung" da" dang: gi hau: ASEING wigi nang nyang: ri zang" loo nhang: wa ga: goo" nham' mo, ri tid to" zi nanu" shau" gyoo: yu" goo" wam: bye. Ngoo nanu" ri tid da" zigi nanu" ce" ja: moo" moo we' nheing" go"- jham tang: go" da" khyoo: akoid: goo. Mougkhung: myeing we' yo" yu zi anghoid. Houg: gi Mangso da" zhung: tang nghoid. Myidjang: myeing yu lho: we' jham' age tang:- houg: gi Mangso da" khyid: theing jang: nghoid. Yerusalem voogung ri we' anghoid. Houg: gi khokham" zeing da" zhung: tang nghoid. Re" da" vhuloem moo we' jham' age tang:- re" da" xam: dakhaid ri lang" phyu: we' no, we' ga: nang yo" koid: zi anghoid. Re" da" dang: gi «nghoid» ga: lang" gi nghoid bye anghoid ga: lang" gi anghoid baja". Hau: tho' mo jain" tid da" dang: gi hau: age su: yo' dasen: nyid.


«‹Myo, dajid" moo dajid"- zei dakhaid moo dakhaid- doem tau" byid: ca"› ga: da" dang: ri nanu" shau" gyo: yu" boem bye. Nghoidloug ngoo nanu" ri tid da" zigi akhyeing" su: ri ce" latoo: we' aphug goo"- re" lo, yo shoid' bopyug pyug byid: su:- ri dashoid' we' doem kham: byid: shi" we' Nang ri dang: khoo' lho: wigi re" da" akhau: byi: yu pyam' byid: su: ri re" da" adang byi: we' khyoid' byid: shi" we' Nang ri doin: zeig nau wigi khyoo damain: yhi: nhang: su: yo' dage" khyoo: eig main: cang yhi: shi" we'. Mho' su: ri byid: we' re" jang" mo daja: ja: jhid" nghoo" noug su: ri we' ahe: pyam.


«‹Re" byumyu" ri te: jheddab lho: re" gyivoo yi rigi anoug angei koid we'› ga: da" dang: gi nanu" shau" gyoo: goo" wam: bye. Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'. Houg: su" nghoid ri za: Mougkhung: tho' moo nyid da" phoo Mangso da" nya: myid: nya: zoo: yi gi nanu" yo" bui" wa zi nghoid. Khasu" wim gari agi mo, yo" gi mo, da" tho' moo nya: bid ri thu' nhang: nyid wigi deung byeung" mo, yo" adeung byeung" mo, da" tho' moo moug: ri voo byid: nyid. Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la". Nanu" da" nya: mang: nya: nhoung" yo" za: shau" doem go" nghoid rigi ci: je nghoid cang boo goo" wa lha". Mangsoo ri asi shi" mo, we" houg: su" lhung koid: boem anghoid goo" la". Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.

Escuchar MATHE 5