Batak Karo - Today's Karo Version, 1987 (NT) Non-Drama

Batak Karo - Today's Karo Version, 1987 (NT) Drama

<div class="version vid35 iso6393btx" data-vid="35" data-iso6393="btx">
 <div class="book bkPHP">
 <div class="chapter ch4" data-usfm="PHP.4">
 <div class="label">4</div><div class="s">Kata ajar</div><div class="p"> 1Dage, o senina-seninangku si kukelengi, bagendalah min tetap pergeluhndu jadi kalak Kristen. Keleng kal ateku kam janah tedeh pe ateku! Malem kal ateku ibahanndu janah tuhu-tuhu megah kuakap kerna kam!</div><div class="p"> 2O Eiodia ras Sintike, mindo aku gelah ersadalah min arihndu bagi si ersenina i bas Tuhan. 3Janah kam pe o temanku sada dahin si tutus, sampatilah diberu enda duana. Sabap duana ia enggo latih erdahin ras aku i bas meritaken Berita Si Meriah e, bage pe ras Klemen ras kerina temanku si deban, si gelarna kerina lit tersurat i bas Kitap Kegeluhen.</div><div class="p"> 4Meriahlah min akapndu katawari pe erkiteken persadanndu ras Tuhan. Sekali nari kukataken: Meriahlah!</div><div class="p"> 5Cidahkenlah perbahanenndu si mehuli man ise pe. Tuhan pedas me reh. 6Ola aru atendu kerna kai pe, tapi i bas kerina pertotonndu, pindolah man Dibata kai si iperlukenndu, janah pindolah rusur man baNa alu pusuh si dem pengataken bujur. 7Kemalemen ate si rehna i bas Dibata nari, si la terukuri manusia, ngarak-ngarak pusuh ras ukurndu erkiteken persadanndu ras Kristus Jesus.</div><div class="p"> 8Kedungenna o senina-seninangku, ukurilah kerna si mehuli, e me kerna si bujur, mulia, benar, bersih, mejile ras kerna kerina si patut ipuji. 9Dalankenlah kai si enggo ipelajarindu dingen ialokenndu i bas aku nari, subuk arah pengeranangku bage pe arah perbahanenku. Janah Dibata si mereken kemalemen ate man banta nemani kam gelah.</div><div class="s">Pengataken bujur</div><div class="p"> 10Mbelin kal keriahen si kugejapken i bas geluhku erkiteken persadanku ras Tuhan. Kenca bage dekahna, lit ka kesempatenndu sekali nari ncidahken maka iperdiatekenndu kap aku. 11Labo maksudku maka lanai aku iperdiatekenndu, saja lanai kin lit kesempatenndu ncidahkenca. Janah si enda kukataken labo erkiteken kugejap maka aku lanai iperdiatekenndu; sabap aku enggo erlajar encukupken alu kai si lit i bas aku. 12Kueteh nge kai ertina nggeluh i bas kekurangen, janah kai ertina nggeluh i bas kelebihen. Enggo dat aku rahasiana, seh maka i ja gia ntah katawari gia, malem ateku subuk paksa aku besur bage pe paksa melihe, subuk paksa aku kelebihen bage pe paksa kekurangen. 13Ngasup aku ngalaken kerina keadan erkiteken kuasa si ibereken Kristus man bangku.</div><div class="p"> 14Tapi mehuli kal perbahanenndu nampati aku, asum aku i bas kiniseran. 15Kam o kalak Pilipi, ietehndu kal kap maka asum kutadingken Makedoni, asum tangtangna kuberitaken Berita Si Meriah kam ngenca perpulungen si nampati aku. Kam ngenca ikut ngenanami untung bage pe rugingku. #2Kor 11:9 16Asum perlu aku penampat i Tesalonika la sekali ngenca ikiremkenndu penampat. #Perb 17:1 17Labo saja ateku ngaloken pemere-pemere e, tapi si kuarapken e me ngidah perkiran untungndu itambahi. 18Enda dage tandana i bas aku nari maka enggo kualoken kerina si enggo iberekenndu man bangku. Janah lebih pe asa si kuperluken. Genduari enggo cukup kerina keperlunku, e me kenca ibaba Epaproditus kerina pemere-pemerendu. Pemere-pemerendu e jadi sada persembahen si merim man Dibata, persembahen si ialokenNa dingen si ngena ateNa. #Kel 29:18 19Dibatangku si simpar alu kebayaken si lit i bas Kristus Jesus mereken kerina keperlunndu. 20Terpujilah Dibata Bapanta seh rasa lalap! Amin.</div><div class="s">Salam pendungi</div><div class="p"> 21Kataken mejuah-juah i bas aku nari man kerina anak-anak Dibata si lit i bas persadan ras Kristus Jesus. Senina-senina si i jenda ras aku mpeseh salam man bandu. 22Kerina anak-anak Dibata si i jenda ngataken mejuah-juah, terlebih-lebih si ringan i istana Kaisar.</div><div class="p"> 23Lias ate Tuhan Jesus Kristus ras kam kerina gelah.</div>
 </div>
 </div>
</div>

Batak Karo Bible © Indonesian Bible Society, 2003.

Dage, o senina-seninangku si kukelengi, bagendalah min tetap pergeluhndu jadi kalak Kristen. Keleng kal ateku kam janah tedeh pe ateku! Malem kal ateku ibahanndu janah tuhu-tuhu megah kuakap kerna kam!
O Eiodia ras Sintike, mindo aku gelah ersadalah min arihndu bagi si ersenina i bas Tuhan. Janah kam pe o temanku sada dahin si tutus, sampatilah diberu enda duana. Sabap duana ia enggo latih erdahin ras aku i bas meritaken Berita Si Meriah e, bage pe ras Klemen ras kerina temanku si deban, si gelarna kerina lit tersurat i bas Kitap Kegeluhen.
Meriahlah min akapndu katawari pe erkiteken persadanndu ras Tuhan. Sekali nari kukataken: Meriahlah!
Cidahkenlah perbahanenndu si mehuli man ise pe. Tuhan pedas me reh. Ola aru atendu kerna kai pe, tapi i bas kerina pertotonndu, pindolah man Dibata kai si iperlukenndu, janah pindolah rusur man baNa alu pusuh si dem pengataken bujur. Kemalemen ate si rehna i bas Dibata nari, si la terukuri manusia, ngarak-ngarak pusuh ras ukurndu erkiteken persadanndu ras Kristus Jesus.
Kedungenna o senina-seninangku, ukurilah kerna si mehuli, e me kerna si bujur, mulia, benar, bersih, mejile ras kerna kerina si patut ipuji. Dalankenlah kai si enggo ipelajarindu dingen ialokenndu i bas aku nari, subuk arah pengeranangku bage pe arah perbahanenku. Janah Dibata si mereken kemalemen ate man banta nemani kam gelah.

Mbelin kal keriahen si kugejapken i bas geluhku erkiteken persadanku ras Tuhan. Kenca bage dekahna, lit ka kesempatenndu sekali nari ncidahken maka iperdiatekenndu kap aku. Labo maksudku maka lanai aku iperdiatekenndu, saja lanai kin lit kesempatenndu ncidahkenca. Janah si enda kukataken labo erkiteken kugejap maka aku lanai iperdiatekenndu; sabap aku enggo erlajar encukupken alu kai si lit i bas aku. Kueteh nge kai ertina nggeluh i bas kekurangen, janah kai ertina nggeluh i bas kelebihen. Enggo dat aku rahasiana, seh maka i ja gia ntah katawari gia, malem ateku subuk paksa aku besur bage pe paksa melihe, subuk paksa aku kelebihen bage pe paksa kekurangen. Ngasup aku ngalaken kerina keadan erkiteken kuasa si ibereken Kristus man bangku.
Tapi mehuli kal perbahanenndu nampati aku, asum aku i bas kiniseran. Kam o kalak Pilipi, ietehndu kal kap maka asum kutadingken Makedoni, asum tangtangna kuberitaken Berita Si Meriah kam ngenca perpulungen si nampati aku. Kam ngenca ikut ngenanami untung bage pe rugingku. Asum perlu aku penampat i Tesalonika la sekali ngenca ikiremkenndu penampat. Labo saja ateku ngaloken pemere-pemere e, tapi si kuarapken e me ngidah perkiran untungndu itambahi. Enda dage tandana i bas aku nari maka enggo kualoken kerina si enggo iberekenndu man bangku. Janah lebih pe asa si kuperluken. Genduari enggo cukup kerina keperlunku, e me kenca ibaba Epaproditus kerina pemere-pemerendu. Pemere-pemerendu e jadi sada persembahen si merim man Dibata, persembahen si ialokenNa dingen si ngena ateNa. Dibatangku si simpar alu kebayaken si lit i bas Kristus Jesus mereken kerina keperlunndu. Terpujilah Dibata Bapanta seh rasa lalap! Amin.

Kataken mejuah-juah i bas aku nari man kerina anak-anak Dibata si lit i bas persadan ras Kristus Jesus. Senina-senina si i jenda ras aku mpeseh salam man bandu. Kerina anak-anak Dibata si i jenda ngataken mejuah-juah, terlebih-lebih si ringan i istana Kaisar.
Lias ate Tuhan Jesus Kristus ras kam kerina gelah.

Escuchar PILIPI 4