Batak Karo - Today's Karo Version, 1987 (NT) Non-Drama

Batak Karo - Today's Karo Version, 1987 (NT) Drama

<div class="version vid35 iso6393btx" data-vid="35" data-iso6393="btx">
 <div class="book bkCOL">
 <div class="chapter ch2" data-usfm="COL.2">
 <div class="label">2</div><div class="p"> 1Ateku gelah ietehndu kuga latihna kuakap erdahin man gunandu, man guna kalak si ringan i Laodikea ras kerina kalak si langa pernah jumpa ras aku. 2Si enda kubahan gelah tetap kal ukurna bage pe gelah banci ersada ia i bas keleng ate, gelah i bas ia dem kinibayaken pengertin si serta. Alu bage ietehna rahasia Dibata, e me Kristus. 3Kristus me kunci si nalangi kerina erta-erta kepentaren ras pemeteh Dibata si terligen.</div><div class="p"> 4Enda kukataken bandu gelah ola kam itokoh-tokohi ise pe si nuriken cakap mehuli man bandu. 5Sabap aminna gia ndauh aku sirang ras kam, tapi ukurku ras kam kap. Meriah ukurku ngidah kuga raturna dingen tetapna kam erkiniteken man Kristus.</div><div class="s">Kegeluhen kalak Kristen si serta</div><div class="p"> 6Bagi enggo ialokenndu Kristus Jesus jadi Tuhanndu, nggeluhlah kam ersada ras IA. 7Ruratlah kam i bas IA, geluhkenlah geluhndu i bas IA, janah reh gegehna lah min kinitekenndu bagi si niajarken man bandu. Rusurlah ngataken bujur man Dibata.</div><div class="p"> 8E maka jagalah, gelah ola ise pe nebu-nebu kam, alu kepentaren si la erguna si dem taki pacik, si reh i bas pengajaren manusia nari erpalasken pengertinna kerna biak doni enda, janah labo i bas Kristus nari. 9Sabap biak Dibata si serta lit i bas Kristus, i bas kemanusianNa. 10Janah man bandu enggo ibereken kegeluhen si serta erkiteken persadanndu ras IA. Sabap Kristus ganjangen asangken kerina kuasa-kuasa ras kerina pemerentah-pemerentah si la teridah.</div><div class="p"> 11I bas persadanndu ras IA kam enggo isunatken, labo alu sunat si ibahan manusia, tapi alu sunat Kristus, e me kematenNa, si gunana mulahi kam i bas kuasa biak manusia si erdosa nari. 12Sabap asum kam iperidiken, kam ikuburken ras Kristus, janah alu peridinndu, kam ipekeke i bas si mate nari erkiteken tek kam man kuasa Dibata si enggo mpekeke Kristus i bas si mate nari. #Rom 6:4 13Nai mate pertendinndu erkiteken dosa-dosandu, dingen erkiteken kam langa isunatken, e me la ngikutken perentah-perentah Dibata. Tapi genduari enggo ipegeluh Dibata kam ras Kristus, kerina dosa-dosandu enggo ialemi Dibata. #Ep 2:1-5 14ImasapkenNa surat utang si isina e me kap perentah si nuntut kita. Alu makuken surat utang e ku kayu persilang, isasapken Dibata kerina tuntutenNa man banta. #Ep 2:15 15I kayu persilang Kristus ngerampas senjata kuasa-kuasa ras pemerentah si la teridah e. IbahanNa si e jadi dedahen kalak si nterem alu maba kuasa-kuasa e selaku tabanen i bas arak-araken kemenangenNa.</div><div class="p"> 16E maka ola pelepas ise pe erbahan aturen-aturen kerna pangan ras inemenndu, ntah kerna wari-wari mehuli, ntah kerna bulan nguda, ntah kerna wari Sabat. #Rom 14:1-6 17Si enda kerina kerna awih-awih si nandangi reh nge ngenca. Tapi si tuhu-tuhuna e me Kristus. 18Ola pelepas isalahken kalak kam si ngataken maka belinen ia asangken kam erkiteken sada-sada pengenehenen. Kalak si bage pekulah-kulah ermeteruk ukur dingen meseksek nembah man malekat-malekat. Kalak si bagenda megombang alu la lit alasenna sitik pe, sabap perukurenna e me perukuren manusia. 19Janah lanai icikepna Kristus si jadi takal kula e, e me perpulungen. I bas kepkepen Kristus, kerinana kula e ikawali dingen ipersadaken alu buku-buku ras urat-urat, janah reh belinna bagi si ngena ate Dibata. #Ep 4:16</div><div class="s">Mate ntah nggeluh ras Kristus</div><div class="p"> 20Kam enggo mate ras Kristus, janah enggo ibebasken i bas kuasa-kuasa si la teridah nari. Engkai maka kam nggeluh tempa-tempa kam sikerajangen doni enda? Engkai maka ikutkenndu aturen-aturen: 21&#8220;Ola jemak si enda,&#8221; &#8220;Ola cecap ah,&#8221; &#8220;Ola kuit si deban ah!&#8221; 22Kerina peraturen si enda ma kerna barang-barang si lanai bo lit gunana kenca ipake? Si enda aturen-aturen dingen ajaren-ajaren si ibahan manusia saja ngenca. 23Aturen-aturen enda, aminna pe tempa-tempa dem kepentaren i bas ersembah man malekat alu paksan, mpeteruk ukur alu pekulah-kulah, bage pe nakiti kula, tapi la lit gunana i bas naluken peraten kula.</div>
 </div>
 </div>
</div>

Batak Karo Bible © Indonesian Bible Society, 2003.

Ateku gelah ietehndu kuga latihna kuakap erdahin man gunandu, man guna kalak si ringan i Laodikea ras kerina kalak si langa pernah jumpa ras aku. Si enda kubahan gelah tetap kal ukurna bage pe gelah banci ersada ia i bas keleng ate, gelah i bas ia dem kinibayaken pengertin si serta. Alu bage ietehna rahasia Dibata, e me Kristus. Kristus me kunci si nalangi kerina erta-erta kepentaren ras pemeteh Dibata si terligen.
Enda kukataken bandu gelah ola kam itokoh-tokohi ise pe si nuriken cakap mehuli man bandu. Sabap aminna gia ndauh aku sirang ras kam, tapi ukurku ras kam kap. Meriah ukurku ngidah kuga raturna dingen tetapna kam erkiniteken man Kristus.

Bagi enggo ialokenndu Kristus Jesus jadi Tuhanndu, nggeluhlah kam ersada ras IA. Ruratlah kam i bas IA, geluhkenlah geluhndu i bas IA, janah reh gegehna lah min kinitekenndu bagi si niajarken man bandu. Rusurlah ngataken bujur man Dibata.
E maka jagalah, gelah ola ise pe nebu-nebu kam, alu kepentaren si la erguna si dem taki pacik, si reh i bas pengajaren manusia nari erpalasken pengertinna kerna biak doni enda, janah labo i bas Kristus nari. Sabap biak Dibata si serta lit i bas Kristus, i bas kemanusianNa. Janah man bandu enggo ibereken kegeluhen si serta erkiteken persadanndu ras IA. Sabap Kristus ganjangen asangken kerina kuasa-kuasa ras kerina pemerentah-pemerentah si la teridah.
I bas persadanndu ras IA kam enggo isunatken, labo alu sunat si ibahan manusia, tapi alu sunat Kristus, e me kematenNa, si gunana mulahi kam i bas kuasa biak manusia si erdosa nari. Sabap asum kam iperidiken, kam ikuburken ras Kristus, janah alu peridinndu, kam ipekeke i bas si mate nari erkiteken tek kam man kuasa Dibata si enggo mpekeke Kristus i bas si mate nari. Nai mate pertendinndu erkiteken dosa-dosandu, dingen erkiteken kam langa isunatken, e me la ngikutken perentah-perentah Dibata. Tapi genduari enggo ipegeluh Dibata kam ras Kristus, kerina dosa-dosandu enggo ialemi Dibata. ImasapkenNa surat utang si isina e me kap perentah si nuntut kita. Alu makuken surat utang e ku kayu persilang, isasapken Dibata kerina tuntutenNa man banta. I kayu persilang Kristus ngerampas senjata kuasa-kuasa ras pemerentah si la teridah e. IbahanNa si e jadi dedahen kalak si nterem alu maba kuasa-kuasa e selaku tabanen i bas arak-araken kemenangenNa.
E maka ola pelepas ise pe erbahan aturen-aturen kerna pangan ras inemenndu, ntah kerna wari-wari mehuli, ntah kerna bulan nguda, ntah kerna wari Sabat. Si enda kerina kerna awih-awih si nandangi reh nge ngenca. Tapi si tuhu-tuhuna e me Kristus. Ola pelepas isalahken kalak kam si ngataken maka belinen ia asangken kam erkiteken sada-sada pengenehenen. Kalak si bage pekulah-kulah ermeteruk ukur dingen meseksek nembah man malekat-malekat. Kalak si bagenda megombang alu la lit alasenna sitik pe, sabap perukurenna e me perukuren manusia. Janah lanai icikepna Kristus si jadi takal kula e, e me perpulungen. I bas kepkepen Kristus, kerinana kula e ikawali dingen ipersadaken alu buku-buku ras urat-urat, janah reh belinna bagi si ngena ate Dibata.

Kam enggo mate ras Kristus, janah enggo ibebasken i bas kuasa-kuasa si la teridah nari. Engkai maka kam nggeluh tempa-tempa kam sikerajangen doni enda? Engkai maka ikutkenndu aturen-aturen: “Ola jemak si enda,” “Ola cecap ah,” “Ola kuit si deban ah!” Kerina peraturen si enda ma kerna barang-barang si lanai bo lit gunana kenca ipake? Si enda aturen-aturen dingen ajaren-ajaren si ibahan manusia saja ngenca. Aturen-aturen enda, aminna pe tempa-tempa dem kepentaren i bas ersembah man malekat alu paksan, mpeteruk ukur alu pekulah-kulah, bage pe nakiti kula, tapi la lit gunana i bas naluken peraten kula.

Escuchar KOLOSE 2